അറ്റ്ലി–വിജയ് കൂട്ടുകെട്ടില്‍ ഒരുങ്ങിയ ഹിറ്റ് ചിത്രം തെരിയുടെ റീമേക്ക് എന്ന നിലയില്‍ പ്രേക്ഷകര്‍ കാത്തിരിക്കുന്നു ചിത്രമാണ് ബേബി ജോണ്‍. കീര്‍ത്തി സുരേഷിന്‍റെ ബോളിവുഡ് അരങ്ങേറ്റം എന്ന നിലയില്‍ കൂടി ചിത്രം ശ്രദ്ധിക്കപ്പെടുന്നുണ്ട്.
ബേബി ജോണിലെ ആദ്യഗാനത്തിന്‍റെ പ്രൊമോ വിഡിയോ പുറത്തുവിട്ടിരിക്കുകയാണ്. 30 സെക്കന്‍റ് മാത്രമുള്ള പാട്ടില്‍ കീര്‍ത്തിയുടെ ഗ്ലാമര്‍ മേക്കോവര്‍ ശ്രദ്ധ നേടുന്നുണ്ട്. തകര്‍പ്പന്‍ ചുവടുകളുമായി വരുണ്‍ ധവാനും ഒപ്പമുണ്ട്. തട്ടുപൊളിപ്പന്‍ സൗത്ത് ഇന്ത്യന്‍ ഫ്ളേവറിലാണ് പാട്ട് ഒരുക്കിയിരിക്കുന്നത്. തമന്‍ സംഗീതം നല്‍കിയിരിക്കുന്ന പാട്ട് ആലപിച്ചിരിക്കുന്നത് ദില്‍ജിത്ത് ദോസാന്‍ജും ധീയും ചേര്‍ന്നാണ്.
കലീശ്വരനാണ് ബേബി ജോണ്‍ സംവിധാനം ചെയ്യുന്നത്. പ്രിയ അറ്റ്ലി, ജ്യോതി ദേശ്പാണ്ഡെ, മുറാദ് കേതാനി എന്നിവര്‍ ചേര്‍ന്നാണ് ചിത്രം സംവിധാനം ചെയ്യുന്നത്. വാമിഖ ഗബ്ബി, ജാക്കി ഷ്രോഫ്, സാക്കിര്‍ ഹുസൈൻ, രാജ്‍പാല്‍ യാദവ്, സാന്യ മല്‍ഹോത്ര എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.