നാഗചൈതന്യ നായകനായെത്തുന്ന തണ്ടേലിലെ ആദ്യഗാനം പുറത്തിറങ്ങി. ഗീത ആര്‍ട്‌സിന്റെ ബാനറില്‍ ബണ്ണി വാസ് ആണ് ചിത്രത്തിന്റെ നിര്‍മാണം.
ചന്ദു മൊണ്ടേട്ടി സംവിധാനം ചെയ്യുന്ന ചിത്രത്തിലെ നായിക സായ് പല്ലവിയാണ്. 'ലവ് സ്റ്റോറി' എന്ന ചിത്രത്തുനുശേഷം നാഗചൈതന്യയും സായ് പല്ലവിയും വീണ്ടും ഒന്നിക്കുന്ന ചിത്രം കൂടിയാണ് 'തണ്ടേല്‍'.
ചിത്രത്തിലെ 'ബുജി തല്ലി' എന്ന ഗാനത്തിന്റെ ലിറിക് വിഡിയോ ആണ് പുറത്തു വന്നിരിക്കുന്നത്. ദേവി ശ്രീ പ്രസാദ് സംഗീതം നല്‍കിയിരിക്കുന്ന ഗാനം ആലപിച്ചിരിക്കുന്നത് ജാവേദ് അലിയാണ്. ശ്രീ മണിയുടേതാണ് വരികള്‍ . തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളില്‍ പാന്‍ ഇന്ത്യന്‍ റിലീസായാണ് ചിത്രം പ്രദര്‍ശനത്തിനെത്തുന്നത്. 2025 ഫെബ്രുവരി ഏഴിനാണ് ചിത്രത്തിന്റെ ആഗോള റിലീസ്.
പ്രണയം, ആക്ഷന്‍, ഡ്രാമ എന്നിവ കോര്‍ത്തിണക്കി ത്രില്ലര്‍ മോഡിലാണ് ചിത്രം ഒരുക്കിയിരിക്കുന്നത്.ആന്ധ്രാപ്രദേശിലെ ശ്രീകാകുളം ജില്ലയിലെ ഡി. മാച്ചിലേസം ഗ്രാമത്തില്‍ നടന്ന യഥാര്‍ത്ഥ ജീവിത സംഭവങ്ങളെ അടിസ്ഥാനമാക്കിയുള്ള സിനിമയാണ് 'തണ്ടേല്‍'. രചന - ചന്ദു മൊണ്ടേട്ടി. ഛായാഗ്രഹണം - ശ്യാംദത്. സംഗീതം - ദേവി ശ്രീ പ്രസാദ്. എഡിറ്റര്‍ - നവീന്‍ നൂലി. കലാസംവിധാനം - ശ്രീനഗേന്ദ്ര തംഗല. നൃത്ത സംവിധാനം - ശേഖര്‍ മാസ്റ്റര്‍. ബാനര്‍ - ഗീത ആര്‍ട്‌സ്. നിര്‍മ്മാതാവ് - ബണ്ണി വാസ്.