സന്നിധാനത്ത് റുബിക്സ് ക്യൂബിൽ തീർത്ത അയ്യപ്പ രൂപവുമായി കുഞ്ഞയ്യപ്പന്മാർ

ശബരിമല സന്നിധാനത്ത് റുബിക്സ് ക്യൂബിൽ അയ്യപ്പന്റെ രൂപം തീർത്ത് രണ്ട് കൊച്ചയ്യപ്പന്മാർ. എറണാകുളം ആമ്പല്ലൂർ സ്വദേശികളായ സഹോദരന്മാരാണ് ഈ മിടുക്കന്മാർ.

സ്റ്റേജിൽ ഒരു കറുത്ത ബോർഡ്. നിമിഷങ്ങൾക്കുള്ളിൽ അഭിനവ് കൃഷ്ണന്റെയും അനുജൻ അദ്വൈത് കൃഷ്ണന്റെയും കരവിരുതിൽ ബോർഡിൽ അയ്യപ്പന്റെ പൂർണ രൂപം. അമ്മയാണ് ഗുരു.  ഇതിനു മുമ്പ് പല താരങ്ങളെയും റൂബിക്സ് ക്യൂബിലൂടെ ഈ മിടുക്കർ തീർത്തിട്ടുണ്ട്.

Also Read; പമ്പ മുതല്‍ സന്നിധാനം വരെ 258 ക്യാമറകള്‍; ശബരിമലയില്‍ സുരക്ഷ ശക്തം

രണ്ടു പേരും കന്നി അയ്യപ്പന്മാർ. രണ്ടാൾക്കും എഡിജിപി എസ്. ശ്രീജിത്തിന്റെ വക സമ്മാനം. റൂബിക്സ് ക്യൂബുകളിൽ തീർത്ത അയ്യപ്പനെ കണ്ടപ്പോൾ ഭക്തർക്കും സന്തോഷം.