രാഹുല്‍ ജയിച്ചു; ശിവരാജേഷിന്‍റെ മുടി സേഫ്; ആത്മവിശ്വാസം അപാരം..

ജയിക്കുമെന്ന് യുഡിഎഫ് നേതാക്കളെല്ലാം ആത്മവിശ്വാസം കൊള്ളുമ്പോൾ പാലക്കാട്ടെ ഒരു കേരള കോൺഗ്രസ് നേതാവിന് ആത്മ വിശ്വാസം കുറച്ചൊന്നുമായിരുന്നില്ല. രാഹുൽ തോറ്റാൽ തല മൊട്ടയടിക്കുമെന്ന് പരസ്യമായി പ്രഖ്യാപിച്ച ശിവരാജേഷ് ആണ് കക്ഷി. മനോരമ ന്യൂസ് വോട്ടുകവലയിൽ പ്രഖ്യാപനം നടത്തിയ ശിവരാജേഷിനെ  ഇന്ന് വീണ്ടും കണ്ടു.

കോൺഫിഡൻസ് അറ്റ് ഇറ്റ്സ് പീക്ക്. അതായിരുന്നു ശിവരാജേഷിന്റെ ബലം. തോൽക്കില്ലെന്ന ഉറച്ച വിശ്വാസം. ഇന്ന് ആഘോഷത്തിരക്കിനിടയിൽ ശിവരാജേഷിന് രണ്ട് സന്തോഷങ്ങളായിരുന്നു. ഒന്ന് രാഹുലിന്റെ വിജയമായിരുന്നെങ്കിൽ രണ്ടാമത്തേത് തലമുടിയിൽ തൊടേണ്ട എന്നത്. 

മനോരമ ന്യൂസ് വോട്ട് കവലയിലൂടെ താൻ അപ്രതീക്ഷിതമായി പ്രഖ്യാപനം നടത്തുകയായിരുന്നു എന്ന് ശിവരാജേഷ്. പാലക്കാട്ടെ ആ രാത്രിയിലെ ചർച്ചയെ ഓർത്തെടുത്താണ് അദ്ദേഹം വീണ്ടുമെത്തിയത്. യാദൃശ്ചികമായി വോട്ടു കവലയിൽ പ്രതികരിച്ച ശിവരാജേഷ് തികച്ചു യാദൃശ്ചികമായാണ് വീണ്ടും മനോരമ ന്യൂസിന് മുന്നിലെത്തിയത്