‘രാഹുൽ മാങ്കൂട്ടത്തില്‍ എംഎല്‍എയ്ക്ക് അഭിനന്ദനം’; രാഹുലിന്‍റെ വിജയം പ്രഖ്യാപിച്ച് വി.ടി ബല്‍റാം

വാശിയേറിയ മത്സരത്തില്‍ പാലക്കാട് യുഡിഎഫ് സ്ഥാനാർഥി രാഹുൽ മാങ്കൂട്ടത്തില്‍ ലീഡ് ചെയ്യുകയാണ്. പാലക്കാട് ഷാഫി പറമ്പിലിന്റെ പിൻഗാമിയായി എത്തിയ രാഹുൽ മാങ്കൂട്ടത്തിൽ മികച്ച വിജയം നേടുമെന്നാണ് യുഡിഎഫ് പ്രതീക്ഷ. പ്രവര്‍ത്തകര്‍ ഇതിനോടകം ആഘോഷം ആരംഭിച്ചു. നാലാം റൗണ്ടിലേയ്ക്ക് എത്തിയപ്പോള്‍ വ്യക്തമായ ഭൂരിപക്ഷം രാഹുല്‍ സ്വന്തമാക്കി. 

ഇതിന് പിന്നാലെ രാഹുലിന്‍റെ വിജയം പ്രഖ്യാപിച്ച്  വി.ടി ബല്‍റാം രംഗത്ത് എത്തി. പാലക്കാട്‌ രാഹുൽ തന്നെ എന്ന കുറിപ്പോടെയാണ് ഫെയ്സ്ബുക്കില്‍ വി.ടി ബല്‍റാം പോസ്റ്റിട്ടിരിക്കുന്നത്. 

വി.ടി ബല്‍റാമിന്‍റെ കുറിപ്പ്

ഷാഫി പറമ്പിലിന്റെ പിൻഗാമിയായി പാലക്കാട്ടെ പുതിയ എം.എൽ.എ.യാവുന്ന രാഹുൽ മാങ്കൂട്ടത്തിലിന്‌ ഹാർദ്ദമായ അഭിനന്ദനങ്ങൾ. അഭിമാനകരമായ ഈ വിജയമൊരുക്കിയ എല്ലാ യുഡിഎഫ്‌ പ്രവർത്തകർക്കും പാലക്കാട്ടെ വോട്ടർമാർക്കും നന്ദി.