ആലപ്പുഴ കഞ്ഞിക്കുഴിയില്‍ സി.പി.ഐ ലോക്കൽ സെക്രട്ടറിയെയും കുടുംബാംഗങ്ങളെയും വീടുകയറി മർദിച്ചു. പരുക്കേറ്റ എം.ഡി.അനില്‍കുമാറിനെയും കുടുംബാംഗങ്ങളെയും ചേർത്തല ആശുപത്രിയിൽ പ്രവേശിപ്പിച്ചു. 20 ഓളം പേർ വരുന്ന സംഘം ഇന്നലെ രാത്രിയാണ് വീട്ടിലെത്തി ആക്രമിച്ചത്. സംഭവത്തിന് പിന്നില്‍ സി.പി.ഐ.എം പ്രവര്‍ത്തകരാണെന്ന് സി.പി.ഐ ജില്ലാ സെക്രട്ടറി ടി.ജെ ആഞ്ചലോസ് ആരോപിച്ചു. കുറ്റക്കാരെ ഉടന്‍ അറസ്റ്റ് ചെയ്യണമെന്നാവശ്യപ്പെട്ട് കഞ്ഞിക്കുഴിയില്‍ സി.പി.ഐ പ്രകടനം നടത്തി.
×