ഗൃഹോപകരണ വിപണന മേഖലയിലെ പ്രമുഖരായ പിട്ടാപ്പിള്ളില്‍ ഏജന്‍സീസിന്‍റെ ഡിജിറ്റല്‍ ഹബ്ബ് അങ്കമാലിയില്‍ പ്രവര്‍ത്തനമാരംഭിച്ചു. പ്രമുഖ കമ്പനികളുടെ അത്യാധുനിക മോഡലുകളിലുള്ള മൊബൈല്‍ ഫോണുകള്‍, ലാപ്ടോപ്പുകള്‍ തുടങ്ങിയവ മിതമായ നിരക്കിലും പ്രത്യേക ഓഫറുകളോടെയും ഉപഭോക്താക്കള്‍ക്ക് നല്‍കുകയാണ് ലക്ഷ്യം. അങ്കമാലി ടി.ബി ജംഗ്ഷനില്‍ പിട്ടാപ്പിള്ളില്‍ ഷോറൂമിനോട് ചേര്‍ന്ന് ആരംഭിച്ച ഡിജിറ്റല്‍ ഹബ്ബിന്‍റെ ഉദ്ഘാടനം നഗരസഭ ചെയര്‍മാന്‍ മാത്യു തോമസ് നിര്‍വഹിച്ചു. നഗരസഭ കൗണ്‍സിലറും മുന്‍ വൈസ് ചെയര്‍പഴ്സനും ആയ റീത്ത പോള്‍ ആദ്യ വില്‍പന നിര്‍വഹിച്ചു. പിട്ടാപ്പിള്ളില്‍ മാനേജിങ് ഡയറക്ടര്‍ പീറ്റര്‍ പോള്‍ പിട്ടാപ്പിള്ളിൽ ഉൾപ്പെടെ ചടങ്ങിൽ പങ്കെടുത്തു.