ടോവിനോ ചിത്രം അജയന്റെ രണ്ടാം മോഷണത്തിന്റെ വ്യാജപതിപ്പ് പ്രചരിപ്പിച്ചവരുടെ കയ്യില് ഇന്നലെ പുറത്തിറങ്ങിയ വേട്ടൈയാനന്റെ വ്യാജ പതിപ്പും. ബെംഗളൂരുവില് പിടിയിലായ പ്രതികളെ കൊച്ചിയിലെത്തിച്ചു. പിടിയിലായവര് ‘Onetamilmv’ എന്ന വെബ്സൈറ്റിന്റെ അഡ്മിന്മാരാണ്. വെബ്സൈറ്റ് സൈബര് പൊലീസ് പൂട്ടിച്ചു.
തമിഴ്നാട് സ്വദേശികളായ രണ്ട് പേരെയാണ് കൊച്ചി സിറ്റി സൈബര് പൊലീസ് പിടികൂടിയത്. കോയമ്പത്തൂരിലെ തീയറ്ററില് നിന്നാണ് ചിത്രത്തിന്റെ വ്യാജപതിപ്പ് തയാറാക്കിയതാണെന്നാണ് കണ്ടെത്തല്. സിനിമ റിലീസ് ചെയ്ത് തൊട്ടടുത്ത ദിവസം തന്നെ വ്യാജപതിപ്പ് പുറത്തിറങ്ങി. ട്രെയിനിലെ യാത്രക്കാരില് ഒരാള് മൊബൈലില് സിനിമ കാണുന്നത് ദൃശ്യങ്ങള് സഹിതം സമൂഹമാധ്യമങ്ങളില് പ്രചരിച്ചിരുന്നു.