തൃശൂർ പൂത്തോളിലെ ഫിറ്റ്നസ് സെൻ്റർ ഉടമ കഞ്ചാവ് കേസില്‍ അറസ്റ്റിലായി. നെടുപുഴ സ്വദേശി വിഷ്ണു ആണ് അറസ്റ്റിലായത്. മഹാരാഷ്ട്രയിൽ നിന്ന് നാലു കിലോ കഞ്ചാവ് ആണ് കുറിയർ വഴി വരുത്തിയത്. പൊതി തുറക്കാൻ കുറിയർ കമ്പനി ജീവനക്കാർ പറഞ്ഞപ്പോൾ മുങ്ങുകയായിരുന്നു.
കാറിൽ വന്നതിന്റെ സിസിടിവി കാമറ ദൃശ്യങ്ങൾ നോക്കി ആളെ പിടികൂടുകയായിരുന്നു. ഫിറ്റ്നസ് സെന്ററിൽ നിന്ന് ഒന്നര കിലോ കഞ്ചാവ് എക്സൈസ് പിടികൂടിയിരുന്നു.എക്സൈസ് കഞ്ചാവ് പിടിച്ച ശേഷം വിഷ്ണു ഒളിവിലായിരുന്നു .
ഈസ്റ്റ് സ്റ്റേഷൻ ഇൻസ്പെക്ടർ എം.ജെ. ജിജോയും സംഘവുമാണ് വിഷ്ണുവിനെ പിടികൂടിയത്. കഞ്ചാവ് വാങ്ങാൻ വിഷ്ണുവിന് ഗൂഗിൾ പേ ചെയ്തവരുടെ വിവരങ്ങൾ പൊലീസിന് ലഭിച്ചു.
കുറിയർ വഴിയാണ് കഞ്ചാവ് വിതരണം ചെയ്തിരുന്നത്.
ENGLISH SUMMARY:
