കടകളിൽ മോഷണത്തിന് കയറിയ കള്ളൻ 'വെള്ളം കുടിച്ചു' മടങ്ങി

കടകളിൽ മോഷണം നടത്താനായി കയറിയ കള്ളൻ വെള്ളം കുടിച്ചു മടങ്ങി. കൊല്ലം ചടയമംഗലത്താണ് അഞ്ചു കടകളിൽ മോഷണ ശ്രമം നടന്നത്. കാര്യമായ പണമൊന്നും ലഭിക്കാത്തതിനാൽ ഫ്രിഡ്ജിൽ സൂക്ഷിച്ചിരുന്ന വെള്ളം കുടിച്ചാണ് മോഷ്ടാവ് മടങ്ങിയത്. വിഡിയോ റിപ്പോര്‍ട്ട് കാണാം. 

ചടയമംഗലത്ത് ബേക്കറി, പച്ചക്കറിക്കട, വനിതാ ഹോട്ടൽ, ബാർബർ ഷോപ്പ് എന്നിങ്ങനെ അഞ്ച്  സ്ഥാപനങ്ങളിലാണ് മോഷണ ശ്രമം നടന്നത്. എല്ലാ സ്ഥാപനങ്ങളുടെയും പുറകുവശം പൊളിച്ചാണ് കള്ളന്മാര് കയറിയത്. ബാർബർ ഷോപ്പിൽ വാടക കൊടുക്കാൻ സൂക്ഷിച്ചിരുന്ന ആയിരത്തിഎണ്ണൂറു രൂപ കള്ളന്മാർ അപഹരിച്ചു. മറ്റ് കടകളിൽ നിന്ന് ഒന്നും ലഭിക്കാതെ വന്നതോടെ കടകളിൽ സൂക്ഷിച്ചിരുന്ന വെള്ളം കുടിച്ച് മടങ്ങുകയായിരുന്നു.

കട നടത്തിപ്പുകാർ ചടയമംഗലം പൊലീസിൽ പരാതി നൽകി. പൊലീസ് പരിശോധന നടത്തി അന്വേഷണം തുടങ്ങി