കാമുകി ലൈംഗിക ബന്ധം നിഷേധിച്ചു; ഒന്നര വയസുകാരി മകളെ പീഡിപ്പിച്ച് ക്രൂരത

ലൈംഗിക ബന്ധം നിഷേധിച്ചതിനെ  തുടര്‍ന്ന് കാമുകിയുടെ  ഒന്നര വയസുകാരി മകളെ പീഡിപ്പിച്ച് യുവാവ്. തമിഴ്നാട്ടിലെ നാമക്കലില്‍ പള്ളിപാളയത്താണ് ദാരുണ സംഭവം.  സംഭവത്തില്‍ ഒഡീഷയില്‍ നിന്നുള്ള 33 കാരനെ പള്ളിപാളയം പൊലീസ് അറസ്റ്റ് ചെയ്തു. പ്രദേശത്തെ ഹാന്‍ഡ്ലൂം യൂണിറ്റിലെ ജീവനക്കാരനാണ് ഇയാള്‍. 

അതിഥി തൊഴിലാളിയുടെ കാമുകിയുടെ മകളാണ് ഇരയായ പെണ്‍കുട്ടി. ഒഡീഷയില്‍ നിന്നുള്ള യുവതിയുമായി ഇയാള്‍ ലിവ് ഇന്‍ റിലേഷനിലായിരുന്നു. ഞായറാഴ്ച  ഇയാള്‍ യുവതിയോട് ലൈംഗിക ബന്ധത്തിന് താല്‍പര്യം പ്രകടിപ്പിച്ചു. എന്നാല്‍ മകൾ കരയുകയാണെന്ന് പറഞ്ഞ് യുവതി വിസമ്മതിച്ചു. 

ഇതില്‍ പ്രതോപിതനായാണ് ഇയാള്‍ കുഞ്ഞിനെ ആളൊഴിഞ്ഞ സ്ഥലത്തേക്ക് കൊണ്ടു പോയി പീഡിപ്പിച്ചത്. ഭർത്താവിനെ ഉപേക്ഷിച്ച യുവതി രണ്ട് ആൺമക്കള്‍ക്കും  പെൺകുഞ്ഞിനുമൊപ്പമാണ് പള്ളിപാളയത്ത് താമസിക്കുന്നത്. 

കുട്ടിയെ കാണാതായി ഒരു മണിക്കൂറിനുശേഷം അയാൾ കുഞ്ഞുമായി വീട്ടിലേക്ക് തിരിച്ചെത്തി. മകളുടെ സ്വകാര്യ ഭാഗത്ത് നിന്ന് രക്തസ്രാവം കണ്ട യുവതി കുഞ്ഞിനെ ഈറോഡ് സര്‍ക്കാര്‍ മെഡിക്കൽ കോളേജ് ആശുപത്രിയിലെത്തിക്കുകയായിരുന്നു. ഡോക്ടർമാർ നാമക്കൽ ജില്ലാ ശിശു സംരക്ഷണ ഓഫീസിലും തുടര്‍ന്ന് ജില്ലാ പോലീസ് സൂപ്രണ്ടിനെയും വിവരമറിയിക്കുകയിരുന്നു. സംഭവ ശേഷം ഒളിവിലായിരുന്ന പ്രതിയുടെ ഒളിസങ്കേതം വളഞ്ഞാണ് പൊലീസ് അറസ്റ്റ് ചെയ്തത്.