പാലക്കാട്ടെ പാതിരാനാടകം ഒടുവില്‍ സി.സി.ടി.വി ദൃശ്യങ്ങളിലെത്തി നില്‍ക്കുന്നു. രാത്രി മുഴുവന്‍ നീണ്ട സംഘര്‍ഷത്തിനും നാടകീയതയ്ക്കും ഒടുവില്‍ ഉദ്വേഗത്തിന്റെ പകലും ആരോപണപ്രത്യാരോപണങ്ങളില്‍ മുങ്ങി. ട്രോളി ബാഗില്‍ കോണ്‍ഗ്രസ് പണം കടത്തിയെന്നും തെളിവ് ഉടന്‍ പുറത്തുവരുമെന്നും സി.പി.എം. തൊട്ടുപിന്നാലെ അതേ നീല ബാഗ് പ്രദര്‍ശിപ്പിച്ച് ഒരു രൂപ കടത്തിയെന്ന് തെളിയിക്കാന്‍ രാഹുല്‍ മാങ്കൂട്ടത്തിലിന്റെ വെല്ലുവിളിയും. പിന്നാലെയാണ് സി.പി.എം CCTV ദൃശ്യങ്ങളും പുറത്തു വിട്ടത്. സി.സി.ടി.വി ദൃശ്യങ്ങളില്‍ നീല ട്രോളി ബാഗുണ്ട്. പക്ഷേ അതില്‍ പണമെന്ന് ആരോപിക്കുന്നത് എന്തടിസ്ഥാനത്തിലെന്ന് രാഹുല്‍ മാങ്കൂട്ടത്തിലിന്റെ ചോദ്യം. കൗണ്ടര്‍പോയന്റ് ചര്‍ച്ച ചെയ്യുന്നു. ആരു തെളിയിക്കണം?