ലേബർറൂമിൽ നിന്നൊരു സെൽഫിയോ? അതും ഒരു സിനിമ നടിയുടെ. അതെ, ലേബര്‍ റൂമില്‍ നിന്നുമുള്ള നടി നിത്യാമേനോന്‍റെ സെല്‍ഫി തരംഗമാവുകയാണ്. മെർസൽ സിനിമയുടെ ചിത്രീകരണത്തിനിടെ പകർത്തിയ ചിത്രമാണിത്. ചിത്രത്തില്‍ വളരെ പ്രധാനപ്പെട്ട ഒരു കഥാപാത്രമാണ് നിത്യ കൈകാര്യം ചെയ്തിരിക്കുന്നത്. വിജയ് മൂന്ന് വ്യത്യസ്ത കഥാപാത്രങ്ങളില്‍ എത്തുന്ന സിനിമയില്‍ വിജയുടെ ദളപതി എന്ന അച്ഛന്‍ കഥാപാത്രത്തിന്റെ ഭാര്യ ഐശ്വര്യയുടെ വേഷത്തിലാണ് നിത്യ എത്തിയത്.
നിത്യ ലേബർ റൂമിൽ വച്ച് സെൽഫിയെടുക്കുന്ന ചിത്രം അണിയറപ്രവർത്തകരിലൊരാൾ പകർത്തിയതാണ്. ഒപ്പം ഒരു ചോരക്കുഞ്ഞിനേയ‌ും കാണാം.
മൂന്ന് നായികമാരുള്ള മെര്‍സലില്‍ ആദ്യം പ്രധാന നായിക സ്ഥാനത്തേക്ക് പരിഗണിച്ചിരുന്നത് ജ്യോതികയെയായിരുന്നു. തെന്നിന്ത്യയിലെ സൂപ്പര്‍ നായികമാരായ സമന്തക്കും കാജള്‍ അഗര്‍വാളിനും പിന്നില്‍ ‘ഒതുങ്ങി’ പോകുമോയെന്ന ഭയത്തില്‍ ജ്യോതിക ആ കഥാപാത്രം വേണ്ടെന്ന് വെച്ചു. ആ വേഷത്തിലാണ് പിന്നീട് നിത്യ എത്തിയത്. വളരെ ശക്തമായ കഥാപാത്രത്തെയാണ് നിത്യ മേഴ്സലിൽ അവതരിപ്പിച്ചത്. വിജയ്ക്കൊപ്പം തന്നെ നിത്യയ്ക്ക് വലിയ ജനപ്രീതിയാണ് ഇൗ കഥാപാത്രം സമ്മാനിച്ചത്.