സിനിമയിൽ തിരിച്ചു വരവിന് തയാറെടുക്കുകയാണ് തെന്നിന്ത്യൻ താരം ചിമ്പു. അദ്ദേഹത്തിന്റെ കഠിനാധ്വാനത്തിന് സമ്മാനം നൽകിയിരിക്കുകയാണ് അമ്മ ഉഷ രാജേന്ദ്രൻ. താരത്തിന്റെ സ്വപ്ന വാഹനമായ മിനി കൂപ്പർ കൺട്രിമാനാണ് അമ്മ സമ്മാനമായി നൽകിയത്.
സുശീന്ദ്രൻ സംവിധാനം ചെയ്യുന്ന ഈശ്വരനാണ് ചിമ്പുവിന്റെ പുതിയ ചിത്രം. കൂടാതെ രണ്ടു ചിത്രങ്ങൾ അടുത്ത വർഷം തിയറ്ററുകളിലെത്തും. ചിമ്പു നിരവധി ഗെറ്റപ്പുകളിലെത്തുന്ന ഈശ്വരൻ എന്ന ചിത്രത്തിനായി താരം 30 കിലോ കുറച്ചിരുന്നു.
മിനിയുടെ നിരയിലെ ഏറ്റവും മികച്ച കാറുകളിലൊന്നാണ് കൺട്രിമാൻ. രണ്ടു ലീറ്റർ പെട്രോൾ എൻജിനാണ് കൺട്രിമാന് കരുത്തേകുന്നത്. 192 ബിഎച്ച്പി കരുത്തും 280 എൻഎം ടോർക്കുമുണ്ട് വാഹനത്തിന്. പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ 7.5 സെക്കന്റുകൾ മാത്രം വേണ്ടിവരുന്ന കാറിന്റെ എക്സ് ഷോറൂം വില 38.50 ലക്ഷം രൂപയാണ്.