'എത്ര മനോഹരമായ നടക്കാത്ത സ്വപ്നം'; പക്ഷേ നടന്നു; സ്വപ്ന കാര്‍ സ്വന്തമാക്കി മനോജ് കെ ജയന്‍

ടെസ്​ല ഇലക്ട്രിക് കാര്‍ സ്വന്തമാക്കിയതിന്റെ സന്തോഷം പങ്കുവെച്ച് നടന്‍ മനോജ് കെ ജയന്‍. എത്ര മനോഹരമായ നടക്കാത്ത സ്വപ്നം എന്ന് കരുതി, പക്ഷെ നടന്നു എന്നാണ് കാറിനൊപ്പമുള്ള ചിത്രം പങ്കുവെച്ച് മനോജ് കെ ജയന്‍ ഫെയ്സ്ബുക്കില്‍ കുറിച്ചത്. 

ദൈവത്തിന്റെ അനുഗ്രഹം, ഇന്ന് മുതല്‍ യുകെയില്‍ എന്റെ കുടുംബാംഗം എന്നും അദ്ദേഹം പറ‍ഞ്ഞു.ടെസ്​ലയുടെ ജനപ്രീയ ടെസ്​ലയുടെ മോ‍ഡല്‍ 3 ആണ് മനോജ് കെ ജയന്‍ സ്വന്തമാക്കിയത്.  2017ല്‍ ആണ് ആ മോഡല്‍ അമേരിക്കന്‍ വിപണിയിലെത്തിയത്. യുകെയിലേക്ക് എത്തുന്നത് 2019ലും. 2020ന് ശേഷമുള്ള വാഹനമാണ് മനോജ് കെ ജയന്‍ സ്വന്തമാക്കിയത് എന്നാണ് സൂചന. 

ലോങ് റേഞ്ച് പ്ലസ്, ലോങ് റേഞ്ച് ഓൾ വീൽ ഡ്രൈവ്, സ്റ്റാന്റേർഡ് റേഞ്ച്, സ്റ്റാന്റേർഡ് റേഞ്ച് പ്ലസ്, മിഡ് റേഞ്ച്, റിയർ വീൽ ഡ്രൈവ്,  പെർഫോമൻസ് എന്നീ വേരിയന്റുകളില്‍ ഏതാണ് മനോജ് കെ ജയന്‍ സ്വന്തമാക്കിയത് എന്ന് വ്യക്തമല്ല. 

Manoj K Jayan bought Tesla