സ്ത്രീ 2 എന്ന ചിത്രത്തിനൊപ്പം തന്നെ തംരഗമായിരുന്നു അതിലെ അതിലെ പാട്ടുകളും. കൂട്ടത്തിലെ കൊമ്പന്‍ തമന്നയുടെ 'ആജ് കി രാത്' തന്നെ. 509 മില്യണ്‍ ആളുകളാണ് ഇതുവരെ യൂട്യൂബില്‍ ഗാനം കണ്ടിരിക്കുന്നത്. മെയ്വഴക്കത്തോടെയുള്ള തമന്നയുടെ ചുവടുകള്‍ തന്നെയാണ് ഗാനത്തിന്‍റെ ഹൈലൈറ്റ്. ഗാനത്തിന്‍റെ ഫുള്‍ വേര്‍ഷനായിരുന്നില്ല ആദ്യം പുറത്തുവിട്ടിരുന്നത്. പാട്ടിലെ കട്ട് ചെയ്ത ഭാഗങ്ങള്‍ തമന്ന തന്നെ പുറത്തുവിട്ടിരിക്കുകയാണ്. ഒപ്പം പാട്ടിലെ വിവിധ ബിഹൈന്‍ഡ് ദി സീന്‍സും ഉണ്ട്.
500 മില്യണ്‍ വ്യൂ നല്‍കിയ പ്രേക്ഷകര്‍ക്ക് നന്ദി പറഞ്ഞുകൊണ്ടാണ് തമന്ന പോസ്റ്റ് പങ്കുവച്ചത്. ചിത്രത്തില്‍ അതിഥി വേഷത്തിലും താരം എത്തിയിരുന്നു. സച്ചിന്‍–ജിഗര്‍ എന്നിവര്‍ ചേര്‍ന്ന് സംഗീതം നല്‍കിയ ഗാനം ആലപിച്ചിരിക്കുന്നത് മധുബന്തി ബാഗ്ചിയാണ്. അമിതാഭ് ഭട്ടാചാര്യയാണ് വരികള്‍ എഴുതിയിരിക്കുന്നത്.
കഴിഞ്ഞ ഓഗസ്റ്റില്‍ റിലീസ് ചെയ്ത സ്ത്രീ 2 വമ്പന്‍ ഹിറ്റായിരുന്നു. ശ്രദ്ധ കപൂര്‍, രാജ്കുമാര്‍ റാവോ എന്നിവര്‍ കേന്ദ്ര കഥാപാത്രങ്ങളായ ചിത്രം 800 കോടിയിലധികമാണ് ബോക്സ് ഓഫീസില്‍ നിന്നും വാരിയത്. അമര്‍ കൗശിക് ആണ് ചിത്രം സംവിധാനം ചെയ്തത്.