നവോത്ഥാന നായകന്‍ അയ്യങ്കാളിയുടെ ജീവിതത്തെ ആസ്പദമാക്കി ഒരുങ്ങുന്ന കതിരവന്‍ പ്രഖ്യാപിച്ചു. അരുണ്‍ രാജ് സംവിധാനം ചെയ്യുന്ന ചിത്രം താര പ്രൊഡക്ഷന്‍സാണ് നിര്‍മിക്കുന്നത്. ചിത്രത്തില്‍ മമ്മൂട്ടി ആവും നായകന്‍ എന്നായിരുന്നു നേരത്തെ പറഞ്ഞിരുന്നത്. കതിരവനായി മമ്മൂട്ടി എത്തുമെന്നും ചര്‍ച്ചകള്‍ പുരോഗമിക്കുന്നതിനാല്‍ കൂടുതല്‍ ഒന്നും പറയാനാവില്ലെന്നുമാണ് മുമ്പ് സംവിധായകന്‍ പറഞ്ഞിരുന്നത്. എന്നാല്‍ നിര്‍മാണ കമ്പനി പുറത്തുവിട്ട പോസ്റ്റില്‍ മലയാളത്തില്‍ ഒരു ആക്ഷന്‍ താരം നായകനാവുമെന്നാണ് പറഞ്ഞിരുക്കുന്നത്.
പോസ്റ്റിന്‍റെ പൂര്‍ണരൂപം
താരാ പ്രൊഡക്ഷൻസും... സിനിമാ ലോകത്തേയ്ക്ക് സന്തോഷകരമായ ഈ ദീപാവലി ദിനത്തിൽ ചുവടുവയ്ക്കുകയാണ്. കലാസ്വാദകരായ നിങ്ങൾ ഓരോരുത്തരുടെയും പ്രാർത്ഥനയും, സഹകരണവും പ്രതീക്ഷിച്ചുകൊണ്ട്.
ചരിത്ര പുരുഷൻ മഹാത്മാ അയ്യങ്കാളിയുടെ ജീവ ചരിത്രം ഇതിവൃത്തമായി പ്രദീപ് കെ താമരക്കുളം എഴുതപ്പെട്ടിട്ടുള്ള കഥയെ ആസ്പദമാക്കി തയ്യാറാക്കുന്ന "കതിരവൻ" എന്ന സിനിമ യുവ കലാകാരനായ അരുൺ രാജ് സംവിധാനവും, ഛായാഗ്രഹണവും നിർവഹിക്കപ്പെടും. ഒരു ആസ്വാദനത്തിനുമപ്പുറം എക്കാലത്തും പഠനവിഷയമായി നിലകൊള്ളുവാൻ ഉദ്ദേശിച്ചു നിർമ്മിക്കുന്ന ഒന്നായിരിക്കും. ആക്ഷൻ രംഗങ്ങൾക്ക് ഒരുപാട് പ്രാധാന്യമുള്ളതാകുന്ന ഈ ചിത്രത്തിൽ മലയാളത്തിന്റെ ആക്ഷൻ ഹീറോ മുഖ്യ കഥാപാത്രമായി വരും.