കമ്പിത്തിരി പായ്ക്കറ്റില്‍ സ്വന്തം ചിത്രം; തുള്ളിച്ചാടി നടി അനന്യ പാണ്ഡെ

കമ്പിത്തിരി പായ്ക്കറ്റിന്റെ കവറിൽ തന്റെ ചിത്രം കണ്ടതിന്‍റെ സന്തോഷം പ്രകടമാക്കുന്ന നടി അനന്യ പാണ്ഡെയുടെ വിഡിയോ സൈബറിടത്ത് വൈറലാകുന്നു. അനന്യയുടെ സഹോദരി അലന്നയാണ് നടിയുടെ ചിത്രം പതിച്ച കമ്പിത്തിരി പായ്ക്കറ്റ് അനന്യയെ കാണിക്കുന്നത്.  ദീപാവലി ആഘോഷങ്ങളുടെ ഭാഗമായി വാങ്ങിയ കമ്പിത്തിരി പായ്ക്കറ്റിലാണ് താരത്തിന്‍റെ ചിത്രം. 

തന്റെ ജീവിതത്തിലെ ഒരു വലിയ സ്വപ്നമാണ് ഇപ്പോൾ യാഥാർഥ്യമായതെന്നായിരുന്നു പായ്ക്കറ്റ് കണ്ട ശേഷം നടിയുടെ പ്രതികരണം. സന്തോഷം കൊണ്ട് തുള്ളിച്ചാടുന്ന അനന്യയെ വിഡിയോയിൽ കാണാം. നടൻ ചങ്കി പാണ്ഡെയാണ് അനന്യയുടെ അച്ഛൻ.