ഇത് നിമിഷ തന്നെയോ? ഹോട്ട് ലുക്കിൽ താരം; ചിത്രങ്ങൾ വൈറൽ

വേഷം ഏതായാലും അഭിനയമികവിലൂടെ കയ്യടി വാങ്ങുന്ന താരമാണ് നിമിഷ സജയന്‍. സാധാരണക്കാരായ നായിക കഥാപാത്രങ്ങളെ വെള്ളിത്തിരയില്‍ അവതരിപ്പിക്കുന്നതില്‍ അസാമാന്യമികവുള്ള താരമെന്ന വിശേഷണം ഇതിനോടകം നിമിഷ സ്വന്തമാക്കി, സോഷ്യല്‍ മീഡിയയിലും സജീവമായ താരം ഇടയ്ക്കിടെ തന്റെ ചിത്രങ്ങള്‍ പങ്കുവെയ്ക്കാറുണ്ട്. നിമിഷ സമൂഹമാധ്യമങ്ങളില്‍ പങ്കുവെച്ച ഏറ്റവും പുതിയ ചിത്രങ്ങളും ആരാധകര്‍ ഏറ്റെടുത്തുകഴിഞ്ഞു.

താരത്തിന്‍റെ കാന്‍ഡിഡ് ചിത്രങ്ങളാണ് തരംഗമായത്. കഫേയിലിരിക്കുന്ന ചിത്രങ്ങളാണ് താരം സോഷ്യല്‍ മീ‍‍ഡിയ അക്കൗണ്ടില്‍ പങ്കുവച്ചത്.  കോഫി കുടിക്കുകയും പെൻസിൽ ഡ്രോയിങ് ചെയ്യുകയും ചെയ്യുന്ന താരം സ്ലീവ്‍ലെസ് ടോപ്പും ഓവർസൈസ്ഡ് ഷ്രഗുമാണ് ധരിച്ചിരിക്കുന്നത്. ഇംഗ്ലിഷ് ചിത്രമായ ഫുട്പ്രിന്റ്സ് ഓൺ വാട്ടർ, തമിഴ് ചിത്രം ജിഗർതണ്ട ഡബിൾ എക്സ് എന്നിവയാണ് നടിയുടേതായി അവസാനം റിലീസ് ചെയ്ത സിനിമകൾ. മലയാളത്തിൽ അദൃശ്യജാലകത്തിലാണ് അവസാനം അഭിനയിച്ചത്.