ശിശുദിനാശംസകള്‍ നേര്‍ന്ന് ചിത്രം പങ്കുവച്ച് മെഗാസ്റ്റാര്‍ മമ്മൂട്ടി. മൂന്ന് കുട്ടികള്‍ക്കൊപ്പമുള്ള ചിത്രമാണ് താരം പങ്കുവച്ചത്. മൊബൈല്‍ പിടിച്ച് കുട്ടികളോട് കുശലം പറയുന്ന ചിത്രമാണ് ശിശുദിനത്തില്‍ താരം പങ്കുവച്ചത്.
ചിത്രത്തിനു താഴെ രസകരമായ കമന്‍റുകളും നിറയുന്നുണ്ട്. നാലു കുട്ടി, അതിലൊന്ന് മമ്മുക്കുട്ടി എന്നാണ് ഒരാളുടെ കമന്‍റ് . കുട്ടികളില്‍ കുട്ടിയായ മുഹമ്മദ് കുട്ടി എന്ന് താരത്തിന്‍റെ യഥാര്‍ത്ഥ പേരുപറഞ്ഞും ആശംസകളുണ്ട്. വിശേഷദിനങ്ങളിലെല്ലാം സോഷ്യല്‍മീഡിയയില്‍ ചിത്രം പങ്കുവക്കുന്ന പതിവ് താരത്തിനുണ്ട്. അത് ഈ ശിശുദിനത്തിലും കണ്ടു എന്നാണ് ആരാധകര്‍ പറയുന്നത്.
കഴിഞ്ഞ ദിവസം മോഹന്‍ലാലും മമ്മൂട്ടിയും ഒന്നിക്കുന്ന സിനിമയെക്കുറിച്ചുള്ള വാര്‍ത്തകള്‍ പുറത്തുവന്നിരുന്നു. മഹേഷ് നാരായണന്‍റെ സംവിധാനത്തില്‍ പുറത്തിറങ്ങുന്ന ചിത്രത്തില്‍ മമ്മൂട്ടിക്ക് 100 ദിവസത്തെ ഷൂട്ടിങ്ങും മോഹന്‍ലാലിന് 30 ദിവസത്തെ ചിത്രീകരണവുമാണ് ഉള്ളത്. ആസിഫ് അലിയും കുഞ്ചാക്കോ ബോബനും നദിയാ മൊയ്ദു, രേവതി എന്നിവരുള്‍പ്പെട്ട വന്‍താരനിരയും ചിത്രത്തിലുണ്ട്.