ദൈവം ഞങ്ങളുടെ കൂടെയുണ്ട്'; പുതിയ വീടിന്‍റെ വിഡിയോ പങ്കുവച്ച് ബാല

സോഷ്യല്‍മീഡിയയില്‍ വൈറലാണ് താരമാണ് ബാല. കഴിഞ്ഞ ദിവസമാണ് അദ്ദേഹം കൊച്ചിയില്‍ നിന്നു താമസം മാറുന്ന കാര്യം തന്‍റെ സോഷ്യല്‍മീഡിയ പേജിലൂടെ ആരാധകരെ അറിയിച്ചത്. എന്നാല്‍ എവിടേക്കാണെന്ന വിവരം ബാല തുറന്നു പറഞ്ഞിരുന്നില്ല. ഇപ്പോഴിതാ, പുതിയ വീട്ടില്‍ നിന്നുള്ള വിഡിയോ പങ്കുവച്ചിരിക്കുകയാണ് ബാല. 

ദൈവം ഞങ്ങളുടെ കൂടെയുണ്ട്. എന്തുതന്നെയായാലും നല്ല കാര്യങ്ങൾ മാത്രം സംഭവിക്കും. മരിച്ച ഒരാൾക്ക് ജീവൻ നൽകാൻ ദൈവം തീരുമാനിച്ചാൽ, എല്ലാ പോരാട്ടങ്ങളിലും അവനെ സംരക്ഷിക്കാനും അവനറിയാം. സാലു കെ ജോർജ്ജ് അസാധാരണ സ്രഷ്ടാവിന് നന്ദി. ഞാൻ കൊച്ചി വിട്ടെങ്കിലും അപ്പോഴും ഞാൻ നിങ്ങളുടെ ഹൃദയത്തിൽ നിൽക്കും. 2 മാസത്തിനുള്ളിൽ ഞാൻ ശാരീരികമായി ബിഗ് ബി ബാലയെപ്പോലെ തിരിച്ചെത്തും, തുടർന്ന് സ്‌ക്രീൻ സ്പേസ് പങ്കിടും 

ഏറ്റവും വലിയ സ്നേഹത്തോടെ ബാലയും കോകിലയും എന്ന കുറിപ്പോടെയാണ് ബാല വിഡിയോ പോസ്റ്റ് ചെയ്തിരിക്കുന്നത്. 

കായലോരത്താണ് ബാലയുടെ പുതിയ വീട്. നിലവിളക്ക് തെളിയിച്ച് ഐശ്വര്യത്തോടെയാണ് കോകിലയും ബാലയും വീടിനുള്ളിലേക്ക് പ്രവേശിക്കുന്നത്. വീടിന്‍റെ മുഴുവന്‍ ദൃശ്യങ്ങളും ഡ്രോണ്‍ ഉപയോഗിച്ചുള്ള വിഷ്വലും വിഡിയോയില്‍ ഉപയോഗിച്ചിട്ടുണ്ട്. വിഡിയോ കണ്ടതിനു ശേഷം പുതിയ വീട് ആലപ്പുഴയിലാണെന്നാണ് ആരാധകരുടെ കണ്ടെത്തല്‍. 

താരം കേരളം വിട്ടു പോയില്ലെന്ന് വിഡിയോയില്‍ നിന്ന് വ്യക്തമാണ്. പുതിയ വീട്ടില്‍ ബാലയ്ക്കും ഭാര്യ കോകിലയ്ക്കും നല്ലൊരു ജീവിതമുണ്ടാകട്ടെയെന്ന് ആരാധകര്‍ കമന്‍റിലൂടെ അറിയിച്ചു.