മദ്യപിച്ച് വാഹനമോടിച്ചതിന് നടന്‍ ഗണപതിക്കെതിരെ കഴിഞ്ഞ ദിവസമാണ് കേസെടുത്തത്. കളമശേരി പൊലീസാണ് കേസെടുത്തത്. അറസ്റ്റ് രേഖപ്പെടുത്തിയ ശേഷം സ്വാഭാവിക നടപടിയെന്ന രീതിയില്‍ പൊലീസ് ഗണപതിയെ വിട്ടയച്ചു.
അതേസമയം ഗണപതി അറസ്റ്റിലായതുമായി ബന്ധപ്പെട്ട് സോഷ്യല്‍മീഡിയകളില്‍ ട്രോളുകളും കമന്റുകളും നിറയുകയാണ്. ദൈവത്തിന്െറ പേരുമിട്ട് അതിനു നിരക്കാത്ത പരിപാടിയാണല്ലോ കാണിച്ചുകൂട്ടുന്നത് എന്നാണ് ഒരാള്‍ ചോദിക്കുന്നത്. വിനോദയാത്ര എന്ന സിനിമയിലെ ഗണപതിയുടെ ‘പാലും പഴവും കൈകളിലേന്തി’എന്ന രംഗമുപയോഗിച്ചും ട്രോളുകളുണ്ട്. പാലും പഴത്തിനും പകരം മദ്യമാണെന്ന സൂചനയും , ഉണ്ണിഗണപതി വളര്‍ന്നത് നാടൊട്ടുക്ക് അറിഞ്ഞല്ലോ എന്നും ചിലര്‍ ചോദിക്കുന്നു.
ആലുവ ഭാഗത്തു നിന്നും ഒരു കാര്‍ അമിതവേഗതയില്‍ വരുന്നുവെന്ന് കളമശേരി പൊലീസിനു അറിവുലഭിച്ചതിനെ തുടര്‍ന്ന് നടത്തിയ പരിശോധനയിലാണ് നടന്‍ ഗണപതി പിടിയിലാകുന്നത്. കളമശേരി പ്രീമിയര്‍ ജങ്ഷനിലായിരുന്നു പരിശോധന നടത്തിയത്. ഉദാസീനമായും അമിതവേഗതയിലുമായിരുന്നു കാര്‍ ഓടിച്ചതെന്ന് പൊലീസ് പറയുന്നു.