'തങ്കമേ..ഉന്നത്താന്‍'..നയന്‍താരയുടെ പാട്ടുപാടി ഉയിരും ഉലകും; വിഡിയോ പങ്കുവച്ച് വിഘ്നേഷ്

നാനും റൗഡി താന്‍ എന്ന ചിത്രത്തിലെ 'തങ്കമേ..ഉന്നത്താന്‍' എന്ന ഗാനമാലപിച്ച് ഞെട്ടിച്ച് നയന്‍താര വിഘ്നേഷ് ദമ്പതികളുടെ പൊന്നോമനകള്‍. ഉയിരും ഉലകും ചേര്‍ന്ന് രസകരമായി തങ്കമേ..ഉന്നത്താന്‍ എന്ന് പാടുന്ന വിഡിയോ വിഘ്നേഷ് ശിവന്‍ തന്നെയാണ് തന്‍റെ ഇന്‍സ്റ്റഗ്രാം പേജിലൂടെ പങ്കുവച്ചത്. ടിവിയിലെ പാട്ടിനനുസരിച്ച് കുട്ടികളും പാടുന്നതാണ് വിഡിയോയിലുളളത്. വിഘ്നേഷ് ശിവന്‍ സംവിധാനം ചെയ്ത് നയന്‍താരയും വിജയ് സേതുപതിയും പ്രധാനവേഷത്തിലെത്തിയ ഹിറ്റ് ചിത്രമാണ് നാനും റൗഡി താന്‍.

വിഡിയോക്കൊപ്പം ഹൃദ്യമായ കുറിപ്പും വിഘ്നേഷ് പങ്കുവച്ചു. 'ആഡഡഡഡഡഡ... നയന്‍താര, എന്റെ ഉയിരും ഉലകും' എന്നായിരുന്നു വിഘ്നേഷ് കുറിച്ചത്. വിഡിയോ വൈറലായതോടെ ഉയിരിനെയും ഉലകിനെയും അഭിനന്ദിച്ച് നിരവധി പേരാണ് രംഗത്തെത്തുന്നത്. വിശേഷദിവസങ്ങളില്‍ മാത്രമാണ് ഉയിന്‍റെയും ഉലകിന്‍റെയും ചിത്രങ്ങളും വിഡിയോസും നയന്‍താര വിഘ്നേഷ് ദമ്പതികള്‍ പങ്കുവയ്ക്കാറ്. 

അതേസമയം നാനും റൗഡി താന്‍ എന്ന സിനിമയുമായി ബന്ധപ്പെട്ട വിവാദങ്ങള്‍ ഇപ്പോഴും കെട്ടടങ്ങിയിട്ടില്ല. വിവാഹ ഡോക്യുമെന്ററിയില്‍ 3 സെക്കന്‍റ് വരുന്ന ചിത്രത്തിലെ ബിടിഎസ് രംഗം ഉള്‍പ്പെടുത്തിയതിന്റെ നയന്‍താരയ്ക്കെതിരെ നിര്‍മാതാവും നടനുമായ ധനുഷ് രംഗത്തെത്തിയിരുന്നു. എന്‍ഒസി ഇല്ലാതെ ചിത്രത്തിലെ രംഗം ഉള്‍പ്പെടുത്തിയെന്നാരോപിച്ച് ധനുഷ് പത്തുകോടി നഷ്ടപരിഹാരമാണ് നയന്‍താര വിഘ്നേഷ് ദമ്പതികളില്‍ നിന്ന് ആവശ്യപ്പെട്ടത്. ധനുഷിന്‍റെ നീക്കത്തിനെതിരെ 3 പേജുളള തുറന്ന കത്ത് പങ്കുവച്ച് നയന്‍താരയും പ്രതികരിച്ചിരുന്നു. ഇതോടെ നയന്‍താരയുടെ ബിയോണ്ട് ദി ഫെയറിടെയ്ല്‍ എന്ന ഡോക്യുമെന്ററി വലിയ ചര്‍ച്ചകള്‍ക്കാണ് തുടക്കമിട്ടത്.