മുതിര്‍ന്ന തിരക്കഥാകൃത്ത് എസ്.എന്‍ സ്വാമിയുടെ സംവിധാന അരങ്ങേറ്റ ചിത്രം ‘സീക്രട്ട്’ ഒടടി റിലീസിനെത്തുന്നു. ജൂലൈയില്‍ തിയറ്റര്‍ റിലീസായെത്തിയ ചിത്രം മനോരമ മാക്സിലൂടെയാണ് ഒടിടി റിലീസായെത്തുന്നത്. ഇന്ത്യയ്ക്ക് പുറത്തുള്ള പ്രേക്ഷകര്‍ക്ക് സിംപ്ലി സൗത്ത് എന്ന പ്ലാറ്റ്ഫോമിലൂടെയും ചിത്രം കാണാനാവും. ചിത്രം നാളെ സ്ട്രീമിംഗ് ആരംഭിക്കുമെന്നാണ് സിംപ്ലി സൗത്ത് അറിയിച്ചിരിക്കുന്നത്.
സിബിഎ ഡയറിക്കുറിപ്പിന്‍റെ തിരക്കഥാകൃത്തായ എസ്. എന്‍ സ്വാമിയുടെ ആദ്യ സംവിധാനച്ചിത്രമെന്ന നിലയില്‍ ചിത്രം ഏറെ ശ്രദ്ധ നേടിയിരുന്നു. ധ്യാന്‍ ശ്രീനിവാസന്‍ പ്രധാനവേഷത്തിലെത്തിയ ചിത്രത്തില്‍ അപർണ ദാസ്, ജേക്കബ് ഗ്രിഗറി, കലേഷ് രാമാനന്ദ്, ആർദ്ര മോഹൻ, രഞ്ജിത്ത്, രണ്‍ജി പണിക്കർ, ജയകൃഷ്ണൻ, സുരേഷ് കുമാർ, അഭിരാം രാധാകൃഷ്ണൻ, മണിക്കുട്ടൻ എന്നിവരാണ് പ്രധാന കഥാപാതാരങ്ങളെ അവതരിപ്പിച്ചത്.
ലക്ഷ്മി പാർവതി വിഷന്റെ ബാനറിൽ രാജേന്ദ്ര പ്രസാദാണ് ചിത്രം നിര്‍മിച്ചിരിക്കുന്നത്. ചിത്രത്തിന്‍റെ തിരക്കഥയൊരുക്കിയതും എസ്.എന്‍ സ്വാമിയാണ്.ഛായാഗ്രഹണം ജാക്സൺ ജോൺസൺ, എഡിറ്റിംഗ് ബസോദ് ടി ബാബുരാജ്, ആർട്ട് ഡയറക്ടർ സിറിൽ കുരുവിള, എക്സിക്യൂട്ടീവ് പ്രൊഡ്യൂസർ രാകേഷ് ടി ബി, പ്രൊഡക്ഷൻ കൺട്രോളർ അരോമ മോഹൻ, കോസ്റ്റ്യൂം സ്റ്റെഫി സേവിയർ, മേക്കപ്പ് സിനൂപ് രാജ്, ചീഫ് അസ്സോസിയേറ്റ് ഡയറക്ടർ ശിവറാം, സൗണ്ട് ഡിസൈൻ വിക്കി, കിഷൻ, അസേസിയേറ്റ് ഡയറക്ടർ വിഷ്ണു ചന്ദ്രൻ, ആക്ഷൻ ഡയറക്ടർ ഫീനിക്സ് പ്രഭു, ഫൈനൽ മിക്സ് അജിത് എ ജോർജ്, വിഎഫ്എക്സ് ഡിജിബ്രിക്ക്സ്, ഡിഐ മോക്ഷ, സ്റ്റിൽസ് നവീൻ മുരളി, പബ്ലിസിറ്റി ഡിസൈനർ ആന്റണി സ്റ്റീഫൻ, പിആർഒ പ്രതീഷ് ശേഖർ.