ഓടുന്ന ട്രെയിനിനു മുകളില്‍ എതിര്‍വശത്തേക്ക് ഓടുന്ന യുവതി; ഞെട്ടിപ്പിക്കും വിഡിയോ

ഓടുന്ന ട്രെയിനിനു മുകളില്‍ ഡാന്‍സും സ്റ്റണ്ടും കണ്ടിട്ടുണ്ട് സിനിമകളില്‍, അത് പലപ്പോഴും സെറ്റിട്ട് ചിത്രീകരിക്കുന്നതുമാകും. എന്നാല്‍ ഇവിടെയിതാ ഓടുന്ന ട്രെയിനിനു മുകളിലൂടെ എതിര്‍വശത്തേക്ക് ഓടുന്ന യുവതിയെ കണ്ട് ഞെട്ടിയിരിക്കുകയാണ് സോഷ്യല്‍ ലോകം. ഓടുന്നതിനൊപ്പം യുവതിയുടെ  നൃത്തച്ചുവടുകളും ദൃശ്യങ്ങളില്‍ കാണാം.  ജനപ്രിയ മൊബൈൽ ഗെയിമായ സബ് വേ സർഫേഴ്സിനെ ഓര്‍മപ്പെടുത്തും വിധമാണ് വിഡിയോ എന്ന് സോഷ്യല്‍മീഡിയ അഭിപ്രായപ്പെടുന്നു. 

‘the.meme party’ എന്ന ഇന്‍സ്റ്റഗ്രാം അക്കൗണ്ടില്‍ നിന്നാണ് വിഡിയോ പങ്കുവച്ചിരിക്കുന്നത്. വിഡിയോ ഇതിനോടകം 20മില്യണിലേറെ വ്യൂസ് നേടിക്കഴിഞ്ഞു. ബംഗ്ലാദേശില്‍ നിന്നാണ് വിഡിയോ ചിത്രീകരിച്ചിരിക്കുന്നത്. ലോക്കല്‍ ട്രെയിനിന്റെ മുകളിലേക്ക് യുവതി എങ്ങനെ കയറി എന്നറിയില്ല. പക്ഷേ ട്രെയിനിനു മുകളിലൂടെ കൂളായി ഓടുകയാണ് യുവതി. പ്ലാറ്റ്ഫോമില്‍ നിറയെ ആളുകളെ കാണാം. ചുറ്റുമുള്ളതൊന്നും യുവതിയുടെ സാഹസത്തെ ബാധിക്കുന്നില്ല. 

അല്‍പനേരം ട്രെയിനിന് എതിര്‍വശത്തേക്കും പിന്നീട് അതേ ദിശയിലും തിരഞ്ഞോടുന്നുണ്ട് യുവതി. ഒരു കോച്ചില്‍ നിന്നും അടുത്ത കോച്ചിലേക്ക് ഒന്നു കരുതിയാണ് ചാട്ടമെങ്കിലും പിന്നീടുള്ള സമയം നൃത്തച്ചുവടുകളുടേതാണ്. സല്‍വാര്‍ ധരിച്ച് തലയിലൂടെ ദുപ്പട്ടയണിഞ്ഞാണ് യുവതിയെ വിഡിയോയില്‍ കാണാനാവുക. കാലില്‍ ഷൂ ധരിച്ചാണ് ഓട്ടവും നൃത്തച്ചുവടും. അസാമാന്യ ആത്മവിശ്വാസം എന്നാണ് സോഷ്യല്‍മീഡിയ പറയുന്നത്.