ജോലിക്കിടയിലെ ഭാര്യയുടെ ഫോണ്‍ സംഭാഷണം ചോര്‍ത്തി; ഭര്‍ത്താവ് സമ്പാദിച്ചത് 2 മില്ല്യണ്‍ ഡോളര്‍

സഹപ്രവര്‍ത്തകരുമായുള്ള ഭാര്യയുടെ ഫോണ്‍സംഭാഷണം ചോര്‍ത്തി ഭര്‍ത്താവ് സമ്പാദിച്ചത് 2 മില്ല്യണ്‍ ഡോളര്‍. വര്‍ക്ക് ഫ്രം ഹോമിനിടെയായിരുന്നു ഭര്‍ത്താവിന്‍റെ തട്ടിപ്പ്. 

മാസങ്ങളായി ടയ്​ലര്‍ ലുഡന്‍ എന്ന യുവാവ് ഒരു സ്വകാര്യ കമ്പനിയുടെ ഓഹരി വാങ്ങിവരികയായിരുന്നു. ഭാര്യ ജോലി ചെയ്യുന്ന കമ്പനി തനിക്ക് ഓഹരിയുള്ള കമ്പനി വാങ്ങുന്നുവെന്ന് അറിഞ്ഞതോടെ യുവാവ് വലിയ തുകയ്ക്ക് തന്‍റെ കൈവശമുള്ള ഓഹരി വില്‍ക്കുകയായിരുന്നു. എന്നാല്‍ ഈ ഇടപാടില്‍ പ്രവര്‍ത്തിച്ചിരുന്ന ഭാര്യ ഭര്‍ത്താവിന്‍റെ നീക്കങ്ങള്‍ അറിഞ്ഞിരുന്നില്ല.

ഇടപാടിനെപ്പറ്റി ഭാര്യയില്‍ നിന്ന് അറിഞ്ഞതിന് ശേഷമാണ് ആ സ്വകാര്യ കമ്പനിയിലെ ഓഹരികള്‍ വാങ്ങാന്‍ ടയ്​​ലര്‍ തീരുമാനിക്കുന്നത്. വീട്ടില്‍ നിന്നും ഇരുപത് അടി മാറിയുള്ള ഹോം ഓഫീസിലിരുന്നായിരിന്നു ഭാര്യ ജോലി ചെയ്തിരുന്നത്. സംഭവത്തെപ്പറ്റി ഭര്‍ത്താവ് തന്നെ എല്ലാം തുറന്ന് പറഞ്ഞ് രംഗത്തെത്തി., എന്നാല്‍ യുവതി വീട്ടില്‍ നിന്ന് മാറി വിവാഹമോചനത്തിന് കേസ് കൊടുത്തു. ഇടപാട് ചോര്‍ത്തിയെന്ന് ആരോപിച്ച് യുവതിയുടെ കമ്പനി അവരെ പിരിച്ചുവിട്ടിരുന്നു.

ഒത്തുതീര്‍പ്പിന്‍റെ ഭാഗമായി താന്‍ ഉണ്ടാക്കിയ പണം ഉപേക്ഷിക്കാമെന്നും പിഴയടക്കാമെന്നും ടയ്​ലര്‍ അറിയിച്ചു. കുറെ നാളുകളായി ഇടപാട് സംബന്ധിച്ച വിവരം യുവാവ് ഭാര്യയില്‍ നിന്നും ചോര്‍ത്തുകയായിരുന്നെന്ന് അധികൃതര്‍ കണ്ടെത്തി.