വള്ളത്തിലേക്ക് വെള്ളം ഇരച്ചുകയറി; രക്ഷയായത് കന്നാസ്; നാലുപേർക്കായി തിരച്ചില്‍
- India
- Published on Oct 06, 2023, 06:10 AM IST
കൊച്ചി മുനമ്പത്ത് വള്ളം മുങ്ങി കാണാതായ നാലുപേർക്കായി തിരച്ചിൽ തുടരുന്നു. മാലിപ്പുറത്തുനിന്ന് മല്‍സ്യം ശേഖരിക്കാന്‍ ഏഴുപേരുമായി പോയ കാരിയര്‍ വള്ളമാണ് ഇന്നലെ വൈകിട്ട് അപകടത്തില്‍പ്പെട്ടത്. മുനമ്പത്തുനിന്ന് പത്ത് നോട്ടിക്കല്‍ മൈല്‍ അകലെയായിരുന്നു അപകടം. മാലിപ്പുറം സ്വദേശികളായ അപ്പു, താഹ,മോഹനന്‍, ആലപ്പുഴ സ്വദേശി രാജു എന്നിവരെയാണ് കാണാതായത്.
കുടിവെള്ളം കൊണ്ടുപോയ കന്നാസില്‍ പിടിച്ചുകിടന്ന മൂന്ന് തൊഴിലാളികളെ അതുവഴിവന്ന സെന്‍റ് ജൂഡ് ബോട്ടിലെ തൊഴിലാളികള്‍ രക്ഷപ്പെടുത്തി. ഇവര്‍ ഫോര്‍ട്ട്കൊച്ചിയിലെ ആശുപത്രിയില്‍ ചികില്‍സയിലാണ്. വള്ളത്തിലേക്ക് വെള്ളം ഇരച്ചുകയറിയാണ് അപകടമെന്നും നാലര മണിക്കൂറിലേറെയാണ് കടലിൽ കിടന്നതെന്നും രക്ഷപ്പെട്ട മല്‍സ്യത്തൊഴിലാളി ആനന്ദൻ പറഞ്ഞു.
Munambam boat accident
വാര്‍ത്തകളും വിശേഷങ്ങളും വിരല്‍ത്തുമ്പില്‍. മനോരമന്യൂസ് വാട്സാപ് ചാനലില്‍ ചേരാം. ഇവിടെ ക്ലിക് ചെയ്യൂ.
