നിറം മാറാതെ മലപ്പുറം; മണ്ഡലം യുഡിഎഫിനൊപ്പമെന്ന് മനോരമന്യൂസ് സര്‍വേ

യുഡിഎഫിന്റെ ഉറച്ച കോട്ടയായ മലപ്പുറത്ത് ഇക്കുറിയും ചിത്രം മാറില്ലെന്ന് മനോരമന്യൂസ്-വി.എം.ആർ മൂഡ് ഓഫ് ദ് സ്റ്റേറ്റ് സർവേ. 54.41 ശതമാനം വോട്ട് നേടി മുസ്ലിം ലീഗ് മണ്ഡലം നിലനിർത്തുമെന്നാണ് പ്രവചനം. കഴിഞ്ഞ തിരഞ്ഞെടുപ്പിലേക്കാൾ 2.59 ശതമാനം വോട്ട് കുറയുമെങ്കിലും എൽഡിഎഫിനുമേൽ 18.31 ശതമാനം വോട്ടിന്റെ മേധാവിത്വം ഇപ്പോഴും യുഡിഎഫിനുണ്ട്. എൽഡിഎഫ് വോട്ട് 4.3 ശതമാനം 2019 തിരഞ്ഞെടുപ്പിൽ പി.കെ.കുഞ്ഞാലിക്കുട്ടി 2,60,153 വോട്ടിന്റെ ഭൂരിപക്ഷത്തിന് യുവ സിപിഎം നേതാവ് വി.പി.സാനുവിനെ തോൽപ്പിച്ചാണ് ലോക്സഭയിലെത്തിയത്. 2021 നിയമസഭാതിരഞ്ഞെടുപ്പിൽ മൽസരിക്കാൻ കുഞ്ഞാലിക്കുട്ടി രാജിവച്ചപ്പോൾ മുതിർന്ന നേതാവും പണ്ഡിതനും പ്രഭാഷകനുമായ അബ്ദുസമദ് സമദാനിയെ ലീഗ് രംഗത്തിറക്കി. വി.പി.സാനു തന്നെയായിരുന്നു എതിരാളി. ഉപതിരഞ്ഞെടുപ്പിൽ ലീഗിന്റെ ഭൂരിപക്ഷം പകുതിയിൽ താഴെയായി കുറയ്കാൻ സാനുവിന് കഴിഞ്ഞു. 1,14,615 വോട്ടിനാണ് സമദാനി ജയിച്ചത്.

ഒക്ടോബര്‍ 3 മുതല്‍ നവംബര്‍ 10 വരെയാണ് സംസ്ഥാനത്തെ മുഴുവന്‍ നിയമസഭാമണ്ഡലങ്ങളും കവര്‍ ചെയ്ത് –വി.എംആര്‍ പ്രീ–പോള്‍ സര്‍വേ നടത്തിയത്. ഈ കാലയളവിൽ തിരഞ്ഞെടുപ്പ് നടന്നാല്‍ എന്താകും സാധ്യതകള്‍ എന്നാണ് വിലയിരുത്തിയത്. മലപ്പുറം ലോക്സഭാമണ്ഡലത്തിൽപ്പെട്ട വള്ളിക്കുന്ന്, മലപ്പുറം, കൊണ്ടോട്ടി, മഞ്ചേരി,  വേങ്ങര, മങ്കട, പെരിന്തല്‍മണ്ണ നിയമസഭാ മണ്ഡലങ്ങളിൽ സർവേ നടത്തി. വർധിച്ച് 36.1 ശതമാനത്തിലെത്തുമെന്നും സർവേ പ്രവചിക്കുന്നു. മറ്റുകക്ഷികളുടെയും സ്വതന്ത്രരുടെയും വിഹിതം പകുതിയായി കുറഞ്ഞേക്കാം.

Here is the prospects of UDF, LDF and BJP in Malappuram Loksabha constituency in 2024 election. Manorama News-VMR Mood of the State Survey result.