'ജയ് ശ്രീറാം, ഹിന്ദുക്കളെല്ലാം ഇറങ്ങൂ'; ഈസ്റ്റര്‍ ദിനത്തില്‍ പള്ളിയിലേക്ക് അതിക്രമിച്ചുകയറി ബജ്​രംഗ് ദള്‍

ഈസ്റ്റര്‍ ദിനത്തില്‍ പ്രാര്‍ത്ഥന നടക്കുന്നതിനിടെ പള്ളിയിലേക്ക് അതിക്രമിച്ചു കയറി വിഎച്ച്പിയും ബജ്റംഗ് ദളും. ആയുധങ്ങളുമായി ജയ് ശ്രീറാം വിളിച്ചാണ് അഹമ്മദാബാദിലുള്ള ഓഡാവിലെ പള്ളികളിലേക്ക് സംഘം അതിക്രമിച്ചു കയറിയത്. സ്ത്രീകളും കുട്ടികളുമടക്കം നിരവധി പേര്‍ ഈ സമയത്ത് പള്ളിക്കകത്തുണ്ടായിരുന്നു. ഹിന്ദുക്കളെല്ലാം പുറത്തേക്ക് ഇറങ്ങണമെന്ന് ഇവര്‍ ആക്രോശിക്കുന്നുണ്ടായിരുന്നു. 

വിഡിയോ കോണ്‍ഗ്രസ് എക്​സ് ഹാന്‍ഡിലിലൂടെ വിഡിയോ പങ്കുവച്ചു. 'ആട്ടിന്‍തോലിട്ട ചെന്നായ്​ക്കളായ ജോര്‍ജ് കുര്യനും സുരേഷ് ഗോപിയും രാജീവ് ചന്ദ്രശേഖറും മറ്റ് ''ക്രിസ്​ത്യന്‍ സ്നേഹികളും'' ഒരക്ഷരം മിണ്ടില്ല' എന്ന ക്യാപ്​ഷനോടെയാണ് എക്​സില്‍ വിഡിയോ പങ്കുവച്ചത്.