തമിഴ് സംഘടനകൾ 50,000 രൂപ തലക്ക് വിലയിട്ടതും ഡൽഹിയിലെ ഗുണ്ടാസംഘം ആക്രമിച്ചതുടക്കം ജീവിത കഥകളുമായി മുൻ കേന്ദ്രമന്ത്രി അൽഫോൺസ് കണ്ണന്താനത്തിന്‍റെ പുസ്തകം. പത്താം ക്ലാസ്സിലെ 42 ശതമാനം മാർക്കിൽ നിന്ന് ഐഎഎസുകാരനും കേന്ദ്രമന്ത്രിയുമായ യാത്രയാണ് ദ വിന്നിംഗ് ഫോർമുലയുടെ ഉള്ളടക്കം.
പ്രതിസന്ധികളിൽ നിന്ന് ഉയർന്ന പദവികളിലേക്കുള്ള യാത്രക്കിടയിലുണ്ടായ ഇത്തരം അനവധി ജീവിതകഥകൾ മുൻ കേന്ദ്രമന്ത്രി അൽഫോൺസ് കണ്ണന്താനത്തിന് പറയാനുണ്ട്. അതിൽ പതിമൂന്നെണ്ണം ചേർത്തുവെച്ചതാണ് ദ വിന്നിംഗ് ഫോർമുല. അസാധാരണ നേട്ടത്തിനുടമകളായ മറ്റ് 39 വ്യക്തികളെ കുറിച്ചും പുസ്തകത്തിലുണ്ട്.
Also Read;
ഒറ്റയിരിപ്പിന് വായിച്ചു തീർക്കാമെന്നാണ് പുസ്തകങ്ങളുടെ കാര്യത്തിൽ പൊതുവേ പറയാറെങ്കിൽ ദ വിന്നിംഗ് ഫോർമുല അങ്ങിനെ വായിക്കരുതേ എന്ന് കണ്ണന്താനം. ഓരോ അധ്യായവും സാവധാനം വായിച്ചു അവലോകനം ചെയ്തു ജീവിതത്തിൽ പകർത്തി മുന്നോട്ടുപോകണമെന്നാണ് ഉപദേശം.
ദ വിന്നിംഗ് ഫോർമുല പ്രകാശനം ചെയ്തത് കേന്ദ്ര മന്ത്രി ജിതേന്ദ്ര സിങ്ങാണ്. ശശി തരൂരും മുൻ സുപ്രീം കോടതി ജസ്റ്റിസ് കുര്യൻ ജോസഫുമടക്കമുള്ളവരാണ് അവതാരിക എഴുതിയത്. ബ്ലൂംസ്ബറിയാണ് പ്രസാധകർ.