വയനാട് തിരുനെല്ലിയിലെ ബ്രഹ്മഗിരി എസ്റ്റേറ്റിലെ കുളത്തില്‍ വീണ പിടിയാനയെ രക്ഷപ്പെടുത്തി. രാവിലെ പത്തരയോടെയാണ് ആന കുളത്തില്‍ അകപ്പെട്ട വിവരം വനപാലകര്‍ അറിയുന്നത്. തിരനെല്ലി ഡെപ്യൂട്ടി റേഞ്ചര്‍ എം.വിജയപ്രസാദിന്റെ നേതൃത്വത്തിലായിരുന്നു രക്ഷാപ്രവര്‍ത്തനം. ആദ്യം കുളത്തില്‍ ചാല് കീറി പിന്നീട് തിണ്ട് ഇടിച്ചുനല്‍കി. ചെളിയില്‍ തെന്നാതിരിക്കാന്‍ മരച്ചില്ലകളും കമ്പുകളും നിരത്തിയാണ് ആനയെ കരയ്ക്ക് കയറ്റിയത്. പിന്നാലെ ആനയെ തിരികെ കാട്ടിലേക്ക് തുരത്തി.