ബസ് യാത്രയിൽ അപ്രതീക്ഷിത അതിഥിയായി ചലച്ചിത്ര താരം ദിലീപ്. തങ്കമണി സിനിമയുടെ പ്രചാരണത്തിനായാണ് തിരുവനന്തപുരത്ത് സിനിമാ താരങ്ങൾ ബസിൽ യാത്ര ചെയ്തത്.
ഞായറാഴ്ച ഉച്ചയോടെയായിരുന്നു ദിലീപിന്‍റെ ബസ് യാത്ര. ബസ് ആറ്റിങ്ങലിൽ നിന്ന് കോവളത്തേക്കുള്ള യാത്രയ്ക്കിടെ തിരുവാതിര ബസിലാണ് വഴിയിൽ നിന്ന് കൈ കാണിച്ച് നിർത്തി ദിലാപ് കയറിയത്. ദിലീപ് മാത്രമല്ല, നായിക നീതാ പിള്ള ഉൾപ്പെടെയുള്ള താരങ്ങളുമുണ്ട് യാത്രക്കാരായി. ഇതോടെ ബസിലാകെ സെൽഫി എടുക്കലായി, വിശേഷം പറച്ചിലായി.
ഈ മാസം 7നാണ് പുതിയ ചിത്രം തങ്കമണി റിലീസാകുന്നത്. മഴവിൽ മനോരമയും തങ്കമണി സിനിമയും ചേർന്ന് ഒരുക്കുന്ന താരങ്ങൾക്കൊപ്പമുള്ള സൗജന്യ ബസ് യാത്ര ഇന്ന് കൊച്ചിയിലും നാളെ കോഴിക്കോടും തുടരും.
Dileep Bus Journey As Part of Promotion Of Film Thankamani