എംപിയുടെ വാഹനത്തില്‍ കാര്‍ തട്ടിയത് മുട്ടന്‍ സീനാക്കി; ബഹളം വച്ചയാളുടെ കാറില്‍ കഞ്ചാവ്

പന്തളത്ത് എംപിയുടെ വാഹനത്തില്‍ കാര്‍ തട്ടിയതിന് ബഹളം വച്ചയാളുടെ കാറില്‍ നിന്ന് നാലുഗ്രാം കഞ്ചാവ് കണ്ടെത്തി. ആന്‍റോ ആന്‍റണി എംപിയുടെ കാര്‍ സിഗ്നല്‍ കാത്തു കിടന്നിരുന്ന മറ്റൊരു കാറില്‍ തട്ടിയിരുന്നു. ഈ കാറില്‍ ഉണ്ടായിരുന്നവര്‍ വലിയ ബഹളം ഉണ്ടാക്കി. 

പൊലീസുമായും തര്‍ക്കം ഉണ്ടായതോടെ നടത്തിയ പരിശോധനയിലാണ് കഞ്ചാവ് കണ്ടെത്തിയത്. സംഭവത്തില്‍ പന്നിവിഴ സ്വദേശി ശ്രീജിത്താണ് പിടിയിലായത്. ഒപ്പമുണ്ടായിരുന്ന ആള്‍ ഓടി രക്ഷപെട്ടു. ഇയാള്‍ക്കായി അന്വേഷണം തുടരുകയാണെന്ന് പൊലീസ് അറിയിച്ചു.