പാലക്കാട് കൊഴിഞ്ഞാമ്പാറയില്‍ മുത്തശ്ശിക്കൊപ്പം ഉറങ്ങാൻ കിടന്ന എട്ട് വയസുകാരി പാമ്പുകടിയേറ്റ് മരിച്ചു. വണ്ണാമട മൂലക്കട സ്വദേശി അസ്ബിയ ഫാത്തിമയാണ് മരിച്ചത്. രാത്രിയിൽ ഉറങ്ങാൻ കിടന്ന മുത്തശ്ശി റഹ്മത്തിന് പാമ്പ് കടിയേറ്റിരുന്നു. തുടർന്ന് നാട്ടുകാരും ബന്ധുക്കളും ചേർന്ന് മുത്തശ്ശിയെ ജില്ലാ ആശുപത്രിയിൽ പ്രവേശിപ്പിച്ച് ചികില്‍സിച്ച് വരുന്നതിനിടെ പുലര്‍ച്ചെ അസ്ബിയ ഫാത്തിമ തളർന്നു വീഴുകയായിരുന്നു. തുടർന്ന് നടത്തിയ പരിശോധനയിലാണ് കുട്ടിക്കും പാമ്പുകടിയേറ്റതായ വിവരമറിയുന്നത്. ചിറ്റൂര്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.