ശബരിമല സന്നിധാനത്തെ പൊലീസ് സംഘം സര്‍വ്വ സജ്ജമെന്ന് സ്പെഷല്‍ കമ്മിഷണര്‍ എസ്.ശ്രീജിത്ത്. പതിനെട്ടാം പടി കയറ്റം വേഗത്തിലാക്കാന്‍ തീര്‍ഥാടകര്‍ കൂടി സഹകരിക്കണം. സേനാനായകനായ അയ്യപ്പന് പൊലീസ് സേനയോട് പ്രത്യേക പ്രതിപത്തിയുണ്ടെന്നാണ് കരുതുന്നതെന്നും അദ്ദേഹം പറഞ്ഞു.
ശബരിമല സന്നിധാനത്ത് മണ്ഡലകാല പൂജകള്‍ക്ക് തുടക്കമായി. വൃശ്ചിക പുലരിയില്‍ തന്ത്രി കണ്ഠര് രാജീവരുടെ സാന്നിധ്യത്തില്‍ പുതിയ മേല്‍ശാന്തി അരുണ്‍കുമാര്‍ നമ്പൂതിരി നടതുറന്നു. ഇന്നലെ മുതല്‍ തന്നെ തീര്‍ഥാടകര്‍ സന്നിധാനത്ത് തമ്പടിച്ചിരുന്നു. വൃശ്ചികപ്പുലരിയില്‍ ഭഗവാനെ തൊഴുതാകും മലയിറക്കം. 70,000 പേരാണ് ഇന്ന് ദര്‍ശനത്തിനായി വിര്‍ച്വല്‍ ക്യൂ വഴി ബുക്ക് ചെയ്തിരിക്കുന്നത്.