‘ഊഴമിട്ട് ആര്‍എസ്എസിനെ കാണുന്നതെന്തിന്?’; അതൃപ്തി പരസ്യമാക്കി സിപിഐ

എ.ഡി.ജി.പി. അജിത്കുമാറിനെ ക്രമസമാധാനച്ചുമതലയില്‍നിന്ന് മാറ്റാത്തതില്‍ അതൃപ്തി പരസ്യമാക്കി സി.പി.ഐ. നിലപാടില്‍ മാറ്റമില്ലെന്നും തീരുമാനം അനന്തമായി നീട്ടിക്കൊണ്ടുപോകാനാകില്ലെന്നും സി.പി.ഐ. സംസ്ഥാന സെക്രട്ടറി ബിനോയ് വിശ്വം വ്യക്തമാക്കി. സമയം വേണമെന്ന് മുഖ്യമന്ത്രി പറഞ്ഞത് മാനിക്കുന്നു. എന്തിനാണ് എ.ഡി.ജി.പി. ഊഴമിട്ട് ആര്‍.എസ്.എസ്. നേതാക്കളെ കാണുന്നതെന്നും എന്തടിസ്ഥാനത്തിലാണ് ഈ കൂടിക്കാഴ്ചയെന്നും ബിനോയ് വിശ്വം ചോദിച്ചു.