രാഹുല്‍ മാങ്കൂട്ടത്തിലിന്‍റെ പ്രചാരണ വിഡിയോയുമായി സിപിഎം പത്തനംതിട്ട ഫെയ്സ്ബുക്ക് പേജ്. 'പാലക്കാട് എന്ന സ്നേഹ വിസ്മയം' എന്ന അടിക്കുറിപ്പോടെയാണ് വിഡിയോ പ്രത്യക്ഷപ്പെട്ടത്. 63,000 ഫോളോവേഴ്സുള്ള പേജില്‍നിന്ന് ദൃശ്യങ്ങള്‍ രാത്രിതന്നെ നീക്കി. ഇത് ഔദ്യോഗിക പേജല്ലെന്നായിരുന്നു സിപിഎമ്മിന്‍റെ പ്രതികരണം. വ്യാജ ഫെയ്സ്ബുക്ക് അക്കൗണ്ടെന്ന് സിപിഎം പത്തനംതിട്ട ജില്ലാ സെക്രട്ടറി കെ.പി.ഉദയഭാനു വ്യക്തമാക്കി. വിഡിയോ സിപിഎം പേജില്‍ പ്രചരിച്ചതില്‍ പരാതി നല്‍കുമെന്ന് പത്തനംതിട്ട ജില്ലാകമ്മിറ്റി അറിയിച്ചു.