വിദ്വേഷ പരാമര്‍ശങ്ങള്‍; സുരേഷ് ഗോപിക്കും ഗോപാലകൃഷ്ണനും എതിരെ കേസില്ല

തിര‍ഞ്ഞെടുപ്പ് കാലത്തെ വിദ്വേഷ പരാമര്‍ശങ്ങളില്‍ അന്വേഷണം അവസാനിപ്പിച്ച് പൊലീസ്. സുരേഷ് ഗോപിക്കും ബി.ഗോപാലകൃഷ്ണനും എതിരെ കേസില്ല. മൊഴി പോലുമെടുക്കാതെ അന്വേഷണം അവസാനിപ്പിച്ചതെന്ന് പരാതിക്കാരന്‍ പറയുന്നു. ഇരുവരും വയനാട്ടില്‍ നടത്തിയ വര്‍ഗീയ പരാമര്‍ശത്തിലാണ് പരാതി നല്‍കിയത്

കേന്ദ്രമന്ത്രി പദവി ദുരുപയോഗം ചെയ്തുകൊണ്ട് വഖഫ് ബോര്‍ഡ് സംബന്ധിച്ച് തെറ്റിധാരണ പരത്തിയെന്നും അതിന്റെ പേരില്‍ കലാപാഹ്വാനം നടത്തിയെന്നുമായിരുന്നു സുരേഷ് ഗോപിക്ക് എതിരായ പരാതി.വാവര് പള്ളിയെ അധിക്ഷേപിച്ചതിനാണ് ബിജെപി സംസ്ഥാന ഉപാധ്യക്ഷൻ ബി.ഗോപാലകൃഷ്ണനെതിരായ പരാതി. സംഭവത്തിൽ ഇരുവർക്കുമെതിരെ എഐവൈഎഫും പരാതി നൽകിയിരുന്നു.