'ക്യാംപസുകളിലെ ലഹരി വ്യാപനത്തിന് പിന്നില്‍ എസ്എഫ്ഐ; പിന്തുണ നല്‍കുന്നത് മുഖ്യമന്ത്രി'

കേരളത്തിലെ ക്യാംപസുകളിലെ ലഹരി വ്യാപനത്തിന് പിന്നില്‍ എസ്.എഫ്.ഐയെന്ന് രമേശ് ചെന്നിത്തല.  എസ്.എഫ്.ഐ ലക്കും ലഗാനുമില്ലാതെ പ്രവര്‍ത്തിക്കുന്നു. എസ്.എഫ്.ഐയെ പ്രോല്‍സാഹിപ്പിക്കുന്ന നിലപാടാണ് മുഖ്യമന്ത്രിയുടേതെന്നും രമേശ് ചെന്നിത്തല വിമര്‍ശിച്ചു.  കളമശേരി പോളി ടെക്നിക്കിലെ കഞ്ചാവ് വേട്ടയില്‍ പ്രതികരിക്കുകായിരുന്നു അദ്ദേഹം. 'കേരളത്തില്‍ മയക്കുമരുന്ന് വ്യാപകമാക്കുന്നതിന്‍റെ പ്രധാന ഉത്തരവാദി എസ്.എഫ്.ഐയാണ്. കേരളത്തിലെ കലാലയങ്ങളിലും ഹോസ്റ്റലുകളിലും വ്യാപകമായി മയക്കുമരുന്നുകള്‍ ഉപയോഗിക്കുകയും വിതരണം ചെയ്യുകയും ചെയ്യുന്ന ഈ എസ്.എഫ്.ഐ പിരിച്ചുവിടുകയാണ് വേണ്ടത്'. ഇതിന് പൂര്‍ണ പ്രോല്‍സാഹനമാണ് കേരളത്തിലെ മുഖ്യമന്ത്രി നല്‍കുന്നതെന്ന് രമേശ് ചെന്നിത്തല തുറന്നടിച്ചു. വിഡിയോ കാണാം.