പ്രായം ഒന്‍പത് വയസ്; ദേശീയ റോളര്‍ സ്കേറ്റിങ് ചാംപ്യന്‍ഷിപ്പില്‍ റോഷന് സ്വര്‍ണമെഡല്‍

ബെംഗളൂരിൽ നടന്ന ദേശീയ റോളർ സ്കേറ്റിങ്ങ് ചാംപ്യൻഷിപ്പിൽ സ്വർണ മെഡൽ നേടി പി.ആർ റോഷൻ. തൃശൂർ കുരിയച്ചിറ സെന്റ് ജോസഫ്സ് ഹയർസെക്കൻഡറി സ്കൂൾ വിദ്യാർഥിയാണ് റോഷൻ. കുഞ്ഞുനാളുകളിലെ കഠിന പരിശ്രമത്തിലൂടെയാണ് വെറും ഒൻപതു വയസുള്ള റോഷൻ ഈ നേട്ടം കൈവരിച്ചത്. 

വിജയം കൈയെത്തിപ്പിടിക്കാനുള്ള ആത്മാർഥമായ പരിശീലനമായിരുന്നു റോഷൻന്റെത്. കുഞ്ഞു പ്രായത്തിലെ റോഷന്റെ പരിശീലത്തെക്കുറിച്ച് പറയുമ്പോൾ പരിശീലകനായ സനൂബിനു നൂറു നാവാണ്.  പരിശീലന വേളയിലെ ഓരോ നിമിഷത്തിലും റോഷനോടൊപ്പമുണ്ട് സനൂബ്.  ഈ വലിയ നേട്ടത്തിന്റെ നിമിഷങ്ങളിലും റോഷന് ചെറിയൊരു സങ്കടം ഉണ്ട്.  വീട്ടുകാരും പരിശീലകനും അധ്യാപകരുമെല്ലാം ഒപ്പം നിന്ന് പ്രോത്സാഹിപ്പിക്കുമ്പോൾ റോഷന് കിട്ടുന്ന ഊർജം വളരെയെറെയാണ്. ഇനിയും ഉയരങ്ങളിലെത്താൻ ഈ കൊച്ചു മിടുക്കനെ പ്രേരിപ്പിക്കുന്നതും ഇതു തന്നെയാണ്