വാഹനാപകടത്തില്‍ പരുക്കേറ്റ് ചികില്‍സയിലായിരുന്ന എം.ജി. സർവകലാശാല സ്കൂൾ ലെറ്റേഴ്സ് ഡയറക്ടർ ഡോ. വി.സി. ഹാരിസ് അന്തരിച്ചു. അമ്പത്തിയൊമ്പത് വയസായിരുന്നു. നാലുദിവസം മുമ്പ് ഏറ്റുമാനൂരില്‍ ഓട്ടോറിക്ഷയില്‍ നിന്ന് റോഡിലേക്ക് വീണാണ് പരുക്കേറ്റത്. ചലച്ചിത്ര നിരൂപകൻ, എഴുത്തുകാരൻ, നാടകപ്രവർത്തകൻ, എന്നീ നിലകളിൽ വ്യക്തിമുദ്ര പതിപ്പിച്ചയാളാണ്. ഏഴു സിനിമകളിലും അഭിനയിച്ചിട്ടുണ്ട്. സമീപകാലത്ത് നാക് സന്ദർശനവുമായി ബന്ധപ്പെട്ട് എം.ജി. വാഴ്സിറ്റിയിലുണ്ടായ വിവാദത്തെത്തുടർന്ന് ഡയറക്ടർ സ്ഥാനത്തു നിന്നു താൽക്കാലികമായി മാറ്റിയിരുന്നു. കേരള ചലച്ചിത്ര അക്കാദമി അംഗമായിരുന്നു.
×