അച്ഛനെപ്പോലെ തന്നെ മകനും! വിജയ്‌യുടെ മകൻ സഞ്ജയുടെ ചിത്രങ്ങൾ കണ്ട ഏവരും ഒരേസ്വരത്തിൽ പറയുന്നതിതാണ്. അച്ഛനെ വാർത്തുവച്ചതുപോലയാണ് സഞ്ജയിയെ കണ്ടാലും. കൂട്ടുകാരോടൊത്ത് മരത്തിന്റെ തൈ പിടിച്ചുനിൽക്കുന്ന ചിത്രമാണ് വൈറലായിരിക്കുന്നത്. വേട്ടൈക്കാരൻ സിനിമയിലെ ഒരു പാട്ടിൽ സഞ്ജയ് അച്ഛനൊപ്പം അഭിനയിച്ചിട്ടുണ്ട്. അതിനുശേഷം ഇതാദ്യമായാണ് സഞ്ജയിയുടെ ചിത്രം പുറത്തുവന്നിരിക്കുന്നത്.
മകളുടെ ബാഡാമിന്റൺ മത്സരം കാണികളുടെ ഇടയിലിരുന്ന് കാണുന്ന വിജയിയുടെ ചിത്രം സോഷ്യൽ മീഡിയയിൽ വന്നു തുടങ്ങിയതിനു പിന്നാലെയാണ് മകന്റെ ചിത്രവും പുറത്തുവന്നത്. വിജയ്‌യുടെ മകൾ ദിവ്യ സാഷ തന്റെ സ്കൂളിൽ നടന്ന ബാഡ്മിന്റൻ മൽസരത്തിൽ പങ്കെടുത്തിരുന്നു. ഇതു കാണാനായാണ് വിജയ് എത്തിയത്. കാണികളുടെ ഒപ്പം ഏറ്റവും പിന്നിലായി ഇരുന്നാണ് വിജയ് മത്സരം ആസ്വദിച്ചത്.
വിജയ്-സംഗീത ദമ്പതികൾക്ക് രണ്ടു മക്കളാണുളളത്. രണ്ടു പേരും വിജയ്‌യുടെ സിനിമയിൽ ബാലതാരമായി അഭിനയിച്ചിട്ടുണ്ട്. ദിവ്യ സാഷ തെരി സിനിമയിൽ വിജയ്‌യുടെ മകളായി അഭിനയിച്ചു.