മലയാളി കാത്തിരിക്കുന്ന മോഹൻലാലിന്റെ ബ്രഹ്മാണ്ഡ ചിത്രം മരക്കാർ അറബിക്കടലിന്റെ സിംഹത്തിലെ പാട്ട് പുറത്തുവിട്ട് അണിയറപ്രവർത്തകർ. ‘കുഞ്ഞു കുഞ്ഞാലിക്ക് ഒന്നുറങ്ങേണം.. ഉമ്മതൻ നെഞ്ചത്തൊരൂയല് വേണം.. പാട്ടിന്റെ ഈണം കാതിലും വേണം.. എന്നാരംഭിക്കുന്ന പാട്ടാണ് ഇപ്പോൾ വൈറലാകുന്നത്. കെ.എസ് ചിത്രയാണ് പാട്ട് പാടിയിരിക്കുന്നത്. സുഹാസിനി, പ്രണവ് മോഹൻലാൽ, ഫാസിൽ, സിദ്ദിഖ് എന്നിവരെയും പാട്ടിൽ കാണാം.
ഒരിവേളക്കു ശേഷം പ്രിയദര്‍ശൻ-മോഹൻലാൽ കൂട്ടുകെട്ടിലിറങ്ങുന്ന ബിഗ് ബജറ്റ് ചിത്രമാണ് മരക്കാർ അറബിക്കടലിൻറെ സിംഹം. ഇരുവരുടെയും മക്കളായ കല്യാണിയും പ്രണവും ചിത്രത്തിൽ ഒരുമിക്കുന്നു എന്നതാണ് മറ്റൊരു പ്രത്യേകത. റോണി റാഫേലാണ് കുഞ്ഞാലി മരയ്ക്കാറിനായി സംഗിതം ഒരുക്കുന്നത്. ഹരിനാരായാണന്റെതാണു വരികൾ. സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരക്കാറുടെ കഥ പറയുന്ന ചിത്രമാണ് ‘മരക്കാർ- അറബിക്കടലിന്റെ സിംഹം’. അർജുൻ സാർജ, സുനിൽ ഷെട്ടി, മഞ്ജു വാര്യർ, മധു എന്നിവരാണ് മറ്റു പ്രധാനതാരങ്ങൾ.