ജീവിതോപാസനയാക്കിയ കലയ്ക്ക് നൃത്യഗൃഹമൊരുക്കി നടനും നര്‍ത്തകനുമായ വിനീത്. കൊച്ചി എരൂരില്‍ വിനീത് ആരംഭിച്ച ന‍ൃത്ത വിദ്യാലയത്തിന് പ്രശസ്ത നര്‍ത്തകിയും വിനീതിന്റെ ഗുരുവും കൂടിയായ ഡോ. പത്മ സുബ്രഹ്മണ്യം തിരിതെളിയിച്ചു.
തന്നെ പോലെ നൃത്തത്തെ സ്നേഹിക്കുന്നവര്‍ക്കായി വിനീത് ഒരുക്കിയതാണ് ഈ നൃത്യഗ്രഹം. നൃത്യഗ്രഹത്തിന് തിരിതെളിയിക്കാന്‍ എത്തിയതാകട്ടെ സ്വന്തം ഗുരുക്കന്‍മാരായ ഡോ. പത്മ സുബ്രഹ്മണ്യവും, കലാമണ്ഡലം സരസ്വതി ടീച്ചറും. വിനീതും ശിഷ്യരും ചേര്‍ന്ന് അവതരിപ്പിച്ച ഗുരുവന്ദനത്തോടെ നൃത്യഗ്രഹത്തില്‍ ചിലങ്കയുടെ താളം മുഴങ്ങി.
അ‍‍‍‍ച്ഛന്റെ ഗുരുക്കന്‍മാര്‍ക്ക് പ്രണാമം അര്‍പ്പിച്ച് വിനീതിന്റെ മകള്‍ അവന്തികയുടെ നൃത്തം. പൂന്താനത്തിന്റെ ജഞ്ാനപ്പാനയ്ക്ക് വിനീത് ഒരുക്കിയ നൃത്താവിഷ്കാരവും വേദിയിലെത്തി പ്രിയശിഷ്യന്റെ പുതിയ സംരംഭത്തിന്റെ ഡോ പത്മസുബ്രഹ്മണ്യത്തിന്റെ വിജയാശംസ
ഡോ. പത്മസുബ്രഹ്മണ്യത്തിന്റെ ഭരതനൃത്യം ശൈലി തന്നെയാണ് നൃത്യഗ്രഹത്തില്‍ പിന്തുടരുക. ആണ്‍കുട്ടികള്‍ നൃത്തം പഠിച്ചാല്‍ സ്ത്രൈണത വരുമെന്ന ധാരണ മാറ്റേണ്ട കാലമായെന്ന് വിനീത്.