ചിറയിൻകീഴ്: ദുബായിൽ പ്രഭാത സവാരിക്കിറങ്ങിയ ചിറയിൻകീഴ് സ്വദേശിയെ കാണാതായി. പെരുങ്ങുഴി ഇടഞ്ഞുംമൂല പ്രസന്ന ഭവനിൽ പരേതനായ എം.കെ.ശ്രീധരന്റെ മകൻ ദേവകുമാറിനെ (50)യാണു മാർച്ച് 28ന് രാവിലെ താമസസ്ഥലമായ ദുബായ് നൈഫിൽ മുദീന സ്നോവൈറ്റ് ബിൽഡിങ്ങിൽ നിന്നു കാണാതായത്. ഹോട്ടൽ അറ്റ്ലാലാന്റിസിൽ യൂറോപ് റെന്റ് എ കാർ വിഭാഗത്തിൽ സൂപ്പർവൈസറായിരുന്നു.
മാർച്ച് 23ന് നാട്ടിലേക്ക് തിരിച്ചു വരാൻ ടിക്കറ്റ് എടുത്തിരുന്നെങ്കിലും 22 ന് കോവിഡ്- 19 ന്റെ ഭാഗമായി ലോക്ക് ഡൗൺ ഏർപ്പെടുത്തിയത് വിമാനയാത്ര മുടക്കിയിരുന്നു. ഇതേത്തുടർന്നു മാനസിക സംഘർഷത്തിൽ കഴിയുകയായിരുന്നുവെന്ന് ഒപ്പമുള്ളവർ പറയുന്നു.ദുബായ് പൊലീസ് കേസ് റജിസ്റ്റർ ചെയ്തു അന്വേഷണം നടന്നു വരുന്നു.
