ജനവാസമേഖലയിലിറങ്ങിയ കടുവയുടെ ദൃശ്യങ്ങൾ വയനാട്ടിൽ പ്രചരിക്കുന്നു. എന്നാൽ ഇത് എവിടെ വെച്ച് എപ്പോൾ എടുത്തു എന്നതിനെക്കുറിച്ചുള്ള സ്ഥിരീകരണം ലഭിച്ചിട്ടില്ല. കടുവയെ പിടികൂടാൻ പുൽപ്പള്ളി ചീയമ്പത്തു കഴിഞ്ഞ ദിവസം കൂടുകൾ സ്ഥാപിച്ചിരുന്നു. എന്നാൽ ദൃശ്യങ്ങളിൽ ഉള്ള തരത്തിലുള്ള തേക്കിൻ തോട്ടങ്ങൾ ചീയമ്പതു ഇല്ല എന്ന് വനം വകുപ്പ് പറയുന്നു. ചീയമ്പത്തു വനം വകുപ്പ് ക്യാമറയിൽ പതിഞ്ഞ കടുവയുടെ ദൃശ്യങ്ങളും ഇതും തമ്മിൽ വ്യത്യാസവും ഉണ്ടെന്നാണ് പ്രാഥമിക നിഗമനം. വനം വകുപ്പ് അന്വേഷണം തുടങ്ങി. ഒരു മാസം മുമ്പ് പുൽപ്പള്ളി ബത്തേരി പാതയിലെ പാമ്പ്രയിൽ റോഡരികിൽ ഇരിക്കുന്ന കടുവയുടെ ദൃശ്യങ്ങൾ യാത്രക്കാർ പകർത്തിയിരുന്നു.