കള്ളക്കടത്ത് സ്വർണവുമായി മലയാളി പിടിയിൽ. കാസർകോട് ഉപ്പള നൂറിയ മൻസിലിൽ അബ്ദുൾ റഷീദിനെയാണ് മംഗളൂരു രാജ്യാന്തര വിമാനത്താവളത്തിൽ കസ്റ്റംസ് അധികൃതർ പിടികൂടിയത്. 9.57 ലക്ഷം രൂപ വില വരുന്ന 247.7 ഗ്രാം (30.96 പവൻ) തൂക്കമുള്ള 2 സ്വർണ ബിസ്‌ക്കറ്റുകളാണ് ഇയാളിൽ നിന്നു പിടികൂടിയത്.
ചൊവ്വ വൈകിട്ട് 5.50നു ദുബായിൽ നിന്നുള്ള സ്‌പൈസ് ജെറ്റ് വിമാനത്തിലാണ് ഇയാൾ എത്തിയത്. തലമുടിക്കുള്ളിൽ ഒളിപ്പിച്ച നിലയിലായിരുന്നു സ്വർണ ബിസ്‌ക്കറ്റുകൾ. മെറ്റൽ ഡിറ്റക്ടറുപയോഗിച്ചുള്ള പരിശോധനയിലാണ് ഇതു കണ്ടെടുത്തത്.