അങ്ങേയറ്റം കലുഷിതമായ അന്തരീക്ഷത്തിലാണ് പാലക്കാട്ടെ ഉപതിരഞ്ഞെടുപ്പ് പ്രചാരണം ഇന്ന് എത്തി നില്‍ക്കുന്നത്. കോണ്‍ഗ്രസ് പാര്‍ട്ടി കള്ളപ്പണം ഒഴുക്കുന്നു എന്ന ആരോപണത്തെ തുടര്‍ന്ന് ഇന്നലെ പാലക്കാട് ഉണ്ടായ രാഷ്ട്രീയസംഭവവികാസങ്ങള്‍ അതേതുടര്‍ന്ന് ഇപ്പോഴും നടന്നുക്കൊണ്ടിരിക്കുന്ന പ്രതികരണങ്ങള്‍ ഇതെല്ലാമാണ് പാലക്കാട് രാഷ്ട്രീയത്തെ ചൂടു പിടിപ്പിക്കുന്നത്. ബിജെപിയും സിപിഎമ്മും ചേര്‍ന്ന് ഒരുക്കിയ നാടകമാണ് എന്ന് കോണ്‍ഗ്രസും അതല്ല കോണ്‍ഗ്രസ് കള്ളപ്പണവുമായെത്തിയതാണ് തെളിവുണ്ടെന്നും മറുപക്ഷവും ആരോപിക്കുമ്പോള്‍ വോട്ടുകവല ഇന്ന് ചര്‍ച്ച ചെയ്യുന്ന പ്രധാനവിഷയവും അതുതന്നെയാണ്. പാലക്കാടന്‍ കോട്ട ആര് പിടിക്കും എന്നുള്ളതാണ്. കോട്ടമൈതാനത്ത് നിന്നുള്ള വോട്ടുകവല, വിഡിയോ കാണാം.