സിഗരറ്റ് മുതല്‍ വേയ്​​പ് വരെ; ജീവനെടുക്കുന്ന നിക്കോട്ടിന്‍

ഓരോ വര്‍ഷവും ലോകത്ത്‌ ദശലക്ഷക്കണക്കിന്‌ ആളുകളാണ് പുകവലി മൂലം മരണപ്പെടുന്നത്. ഹൃദയാഘാതം മുതല്‍ ശ്വാസകോശ കാന്‍സര്‍ വരെ പിടിപെടാമെന്ന് അറിയാമായിരുന്നിട്ടും പുകവലി ജീവിതത്തിന്‍റെ ഭാഗമാക്കിമാറ്റുകയാണ് ഓരോരുത്തരും. ക്ഷണനേരത്തെ ആശ്വാസത്തിന് വേണ്ടി നമ്മള്‍ നശിപ്പിക്കുന്നത് ആയുസിന്‍റെ ഒരു ഭാഗം തന്നെയാണ്. എന്നാല്‍ ഈ ശീലം നിങ്ങളുടെ പങ്കാളി, കുട്ടികള്‍, മാതാപിതാക്കള്‍ എന്നിവരെയൊക്കെ എത്രമാത്രം ബാധിക്കുന്നുണ്ട് എന്ന് ചിന്തിച്ചിട്ടുണ്ടോ? നിങ്ങളെടുക്കുന്ന ഓരോ പുകയും നിങ്ങളുടെ കുടുംബാംഗങ്ങളുടെ ആരോഗ്യത്തെ സാരമായി തന്നെ ബാധിക്കുന്നുണ്ട്. ഈ പുകവലി വിരുദ്ധ ദിനത്തില്‍ ഈ വിഷയത്തെക്കുറിച്ച് ആരോഗ്യ വിദഗ്ധര്‍ പറയുന്നത് കേള്‍ക്കാം.