ശ്രീലങ്കന്‍ പര്യടനത്തിലും സഞ്ജു; ഏകദിനത്തില്‍ നയിക്കാന്‍ രോഹിത്ത്; കോലിയും ടീമില്‍
- Sports
- Published on Jul 18, 2024, 08:06 PM IST
ശ്രീലങ്ക പര്യടനത്തിനുള്ള ട്വന്റി ട്വന്റി, ഏകദിന ടീമുകളെ പ്രഖ്യാപിച്ചു. മലയാളിതാരം സഞ്ജു സാംസണ്‍ ട്വന്റി ട്വന്റി ടീമില്‍ സ്ഥാനം നിലനില്‍ത്തി. ട്വന്റി ട്വന്റി ടീമിനെ സൂര്യകുമാര്‍ യാദവും ഏകദിന ടീമിനെ രോഹിത് ശര്‍മയും നയിക്കും. ശുഭ്മന്‍ ഗില്ലാണ് ഇരുടീമുകളുടെയും വൈസ് ക്യാപ്റ്റന്‍. രാജ്യാന്തര ട്വന്റി ട്വന്റിയില്‍ നിന്ന് വിരമിച്ച വിരാട് കോലി ഏകദിന ടീമിലുണ്ട്. ലോകകപ്പില്‍ ഇന്ത്യന്‍ ബോളിങ്ങിന്റെ കുന്തമുനയായിരുന്ന ജസ്പ്രീത് ബുംറയ്ക്ക് വിശ്രമം അനുവദിച്ചു. ഐപിഎല്ലില്‍ കൊല്‍ക്കത്തയെ കിരീടത്തിലേക്ക് നയിച്ച ശ്രേയസ് അയ്യരും മുന്‍ വൈസ് ക്യാപ്റ്റന്‍ കെ.എല്‍.രാഹുലും ഏകദിന ടീമില്‍ തിരിച്ചെത്തി. ശിവം ദുബെ ഇരുടീമുകളിലും ഇടം നേടിയപ്പോള്‍ ഓപ്പണര്‍ യശസ്വി ജയ്സ്വാളിനെ ട്വന്റി ട്വന്റി ടീമില്‍ മാത്രമേ ഉള്‍പ്പെടുത്തിയുള്ളു.
ട്വന്റി ട്വന്റി ക്യാപ്റ്റന്‍ സൂര്യകുമാര്‍ യാദവ് ഏകദിന ടീമില്‍ ഇല്ല. ഹാര്‍ദിക് പാണ്ഡ്യയ്ക്കും ട്വന്റി ട്വന്റി ടീമില്‍ മാത്രമേ ഇടം ലഭിച്ചുള്ളു. രാജസ്ഥാന്‍ റോയല്‍സ് താരം റിയാന്‍ പരാഗിനെ ഇരുടീമുകളും ഉള്‍പ്പെടുത്തി. അധിക ബോളിങ് ഒപ്ഷന്‍ എന്ന നിലയില്‍ക്കൂടിയാണ് തീരുമാനം. പേസര്‍മാരായ മുഹമ്മദ് സിറാജ്, ഖലീല്‍ അഹമ്മദ്, അര്‍ഷ്ദീപ് സിങ് എന്നിവരും രണ്ട് ടീമുകളിലും ഇടം നേടി.
മൂന്ന് ട്വന്റി ട്വന്റി മല്‍സരങ്ങളും മൂന്ന് ഏകദിനങ്ങളുമാണ് ശ്രീലങ്ക പര്യടനത്തിലുള്ളത്. ട്വന്റി ട്വന്റി പരമ്പര ഈമാസം 27, 28, 30 തീയതികളില്‍ പല്ലെക്കലെയില്‍ നടക്കും. ഓഗസ്റ്റ് 2, 4, 7 തീയതികളില്‍ കൊളംബോയിലാണ് ഏകദിന പരമ്പര.
ട്വന്റി ട്വന്റി ടീം : സൂര്യകുമാര്‍ യാദവ് (ക്യാപ്റ്റന്‍), ശുഭ്മന്‍ ഗില്‍ (വൈസ് ക്യാപ്റ്റന്‍, യശസ്വി ജയ്‍സ്വാള്‍, റിങ്കുസിങ്, റിയാന്‍ പരാഗ്, ഋഷഭ് പന്ത് (വിക്കറ്റ് കീപ്പര്‍), സഞ്ജു സാംസണ്‍ (വിക്കറ്റ് കീപ്പര്‍), ഹാര്‍ദിക് പാണ്ഡ്യ, ശിവം ദുബെ, അക്സര്‍ പട്ടേല്‍, വാഷിങ്ടണ്‍ സുന്ദര്‍, രവി ബിഷ്ണോയ്, അര്‍ഷ്ദീപ് സിങ്, ഖലീല്‍ അഹമ്മദ്, മുഹമ്മദ് സിറാജ്
ഏകദിന ടീം : രോഹിത് ശര്‍മ (ക്യാപ്റ്റന്‍), ശുഭ്മന്‍ ഗില്‍ (വൈസ് ക്യാപ്റ്റന്‍), വിരാട് കോലി, കെ.എല്‍.രാഹുല്‍, ഋഷഭ് പന്ത് (വിക്കറ്റ് കീപ്പര്‍), ശ്രേയസ് അയ്യര്‍, ശിവം ദുബെ, കുല്‍ദീപ് യാദവ്, മുഹമ്മദ് സിറാജ്, വാഷിങ്ടണ്‍ സുന്ദര്‍, അര്‍ഷ്ദീപ് സിങ്, റിയാന്‍ പരാഗ്, അക്സര്‍ പട്ടേല്‍, ഖലീല്‍ അഹമ്മദ്, ഹര്‍ഷിത്